03 Qyrkúıek, 2020 NEWS

"Mınıstr ketti, bolǵan oqıǵaǵa kim jaýap beredi?". Depýtat úkimet basshysyna saýal joldady

Foto: qamshy.kz

Májilis depýtaty Nurjan Áltaev Úkimet basshysy Asqar Mamın Parlamentke kelip, koronavırýspen qalaı kúres júrgizip jatqany týraly tolyq esep berýin surady. Bul týraly ol májilis otyrysynda aıtty.

– Qurmetti Asqar Uzaqbaıuly. Sizdi parlamentke kelip, halyqtyń, halyq qalaýlylarynyń aldynda esep berýińzdi ótinemin. Koronavırýspen kúreste qandaı jumystar atqaryldy, bólingen aqsha qalaı jumsaldy? Neshe adam qaza tapty, jaǵdaıdyń qıyndaýyna ne sebep boldy? Mınıstr ketti, biraq bolǵan oqıǵaǵa kim jaýap beredi?, – dep saýal joldady Áltaev.

Memleket koronavırýs indetimen kúreske jalpy ekonomıka men áleýmettik jaǵdaıǵa alty aı ishinde 7 trln teńgege jýyq aqsha jumsaǵan. Depýtat oǵan deıingi kezeńnen bastap mıllıardtaǵan qarajattyń qaıda ketkenin túsinbeıtinin jetkizdi.

Aıta keteıik, keshe májilis otyrysynda birneshe depýtattyń ókilettigi merziminen buryn toqtatyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir