Almatyda QR Prezıdentiniń Joldaýy talqylandy: ardagerler, volonterlar, juldyzdar men ǵalymdar bastamaǵa qoldaý bildirdi

Búgin Almaty qalasy Qoǵamdyq keńesiniń keńeıtilgen otyrysy ótip, onyń barysynda Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: Is- qımyl kezeńi» atty Qazaqstan halqyna Joldaýy talqylandy.

Onlaın formatta ótken keńeske 80-nen astam adam qatysty, olardyń arasynda máslıhat depýtattary, ardagerler, volonterlar, medısına jáne bıznes-qoǵamdastyqtyń, úkimettik emes uıymdar men BAQ ókilderi boldy.

Keńeske qatysýshylar bilim jáne ǵylym júıesin damytý, otbasylyq-demografııalyq ahýaldy jaqsartý, ShOB-ty qoldaý, qorshaǵan ortany jaqsartý, turǵyn úı saıasatyn júzege asyrý jáne t.b.baǵyttar men alda turǵan mindetterdi jan-jaqty talqylady.

Keńes barysynda Almaty qalasy Qoǵamdyq keńesiniń tóraǵasy Rahman Alshanov keńeıtilgen otyrystyń basty mindeti búkil álemdik pandemııany eskere otyryp, elimizdiń jańa ómir jaǵdaıyna arnalǵan Joldaýdy talqylaý ekenin atap ótti.

«Keshe Prezıdent 2020-2021 jyldar aralyǵynda biz nazar aýdaratyn osal núktelerdi atady, basym baǵyttardy belgiledi. Búgin Almaty qalasy aýmaǵynda Joldaýdyń mindetterin naqtyly júzege asyrý úshin ony jan-jaqty talqylaýdy jáne pármendi sharalar ázirleýdi usynamyn», - dedi R.Alshanov jáne keńeske qatysýshylardy belsendilik tanytýǵa shaqyrdy.

Almaty qalalyq ardagerler keńesiniń tóraǵasy Ahan Bıjanov alǵashqylardyń biri bolyp sóz aldy.

«Otandyq ǵylymynyń ókili retinde men ǵylymǵa qatysty birqatar máselelerdi kótergim keledi. Joldaýda jas ǵalymdardyń róline úlken kóńil bólingen. «Jas Ǵalym» jobasy aıasynda álemdegi jetekshi ǵylymı ortalyqtarda ǵalymdar úshin jyl saıyn 500 taǵylymdama jáne jas ǵalymdarǵa 1000 grant bólý jónindegi tapsyrma qoldaý kórsetýdegi naqty qadam bolyp tabylady. Memleket basshysy kótergen eń ózekti másele - prosesterden birtindep nátıjelerge kóshý, ol muny óziniń Joldaýynda atap ótti», - dedi Fılosofııa, saıasattaný jáne dintaný ınstıtýtynyń dırektory Ahan Bıjanov.

«Qazaqstannyń Eńbek Eri», Almaty qalasynyń qurmetti azamaty Aıagúl Mırazova bilim sapasy jáne onyń qoljetimdiligi týraly taqyrypty odan ári jalǵastyrdy.

«Qazirgi kezde Almatyda balalarǵa barlyq jaǵdaılar jasalǵan. Prezıdent óz Joldaýynda dástúrli bilim berýge oralýdyń barynsha utymdy joldaryn qarastyrýdy tapsyrdy. Menińshe, bul óte durys sheshim, ásirese, sábıli bolǵysy keletin otbasylarǵa oń yqpal etedi», - dedi A. Mırazova jáne Prezıdenttiń «Ańsaǵan sábı» baǵdarlamasyn der kezinde iske asyrýǵa tapsyrma bergenin atap ótti.

Almaty qalasy máslıhatynyń depýtaty, «Aýyl» HDPP múshesi Mahambet Hasenov óz kezeginde aýyldy damytý jáne aýyl turǵyndarynyń ómirin jaqsartý jónindegi bastamalardy joǵary baǵalady.

«Aýylǵa erekshe kóńil bólinetindigi qýantady. Joldaýda naqty baǵyttar aıqyndalǵan. Prezıdent aýyl turǵyndarynyń ómirin jaqsartýǵa úlken basymdyq berýde. Aldymyzǵa qoıylǵan mindetterdi iske asyrý úshin biz bárin jasaýǵa tıispiz», - dedi Mahambet Hasenov.

Keńes tóraǵasy R. Alshanov búginde Qazaqstan halqynyń sany 19 mıllıon adamdy quraıtyndyǵyn atap ótti. Alaıda, jaǵdaıdyń jaqsarǵanyna qaramastan, demografııany arttyrý jumystary jalǵasýda. Osy oraıda Prezıdenttiń «Ańsaǵan sábı» arnaıy baǵdarlamasyn iske qosyp, EKO baǵdarlamalaryna kvotalar sanyn 7 myńǵa deıin, ıaǵnı 7 esege deıin kóterý týraly bastamalary erekshe ózekti.

«Joldaý áleýmettik baǵytymen erekshelenedi. Erli-zaıyptylardyń 15%-ynda sábıli bolý problemasy bar. Biz ótken jyly tıisti usynystar jiberdik. Usynystyń artyǵymen oryndalǵanyna óte qýanyshtymyz - 7000 EKO bólindi. Taǵy bir mańyzdy másele – dárigerdiń mártebesi. Jalaqy 2,5 esege ósti. Mártebe – bul materıaldyq qoldaý ǵana emes, biz ózimizdiń otandyq kadrlarymyzdy qoldaýymyz kerek», - dedi «PERSONA» klınıkalyq reprodýktıvti halyqaralyq ortalyqtyń basshysy Vıacheslav Lokshın, pýlmonologtardy, epıdemıologtardy der kezinde daıarlaý qajettigin atap ótti.

Qazaqstan halqy Assambleıasyna qoǵamnyń turaqtylyǵy men damýyn saqtaý boıynsha erekshe ról júktelgen. Almatydaǵy Qazaqstan halqy Assambleıasy tóraǵasynyń orynbasary Qazbek Mamsurov sıfrlandyrý taqyrybyna toqtaldy.

Ol óziniń sóziniń sıfrlandyrýdyń tek tendensııa emes, ulttyq básekelestikke qol jetkizýdiń basty quraly bolatyndyǵyn aıtty. Sondyqtan Osyǵan baılanysty formalızmdi qysqartyp, jumystyń ashyq formatyna kóshý qajet.

Jyl saıynǵy Joldaýlarda sybaılas jemqorlyqqa qarsy is-qımyl sharalaryna erekshe mańyz beriledi. «Almaty-Adaldyq Alańy» jobalyq keńsesiniń basshysy Aleksandr Bratenkov óziniń sózinde Qasym-Jomart Toqaevtyń saılaý aldy baǵdarlamasynan bastap sybaılas jemqorlyqqa qarsy is-qımyldy kúsheıtý máselesin kótergenin atap ótti. Bul óte mańyzdy, óıtkeni sybaılas jemqorlyqpen pár mendi kúresý alǵa jyljýdyń tetigi bolyp tabylady.

«Almaty aqshamy» gazetiniń bas redaktory Qalı Sársenbaı talantty jáne daryndy tulǵalardy, ásirese jastardy, olardyń ozyq ıdeıalaryn qoldaý qajettigin aıtty. Ol úshin balalardy jumyspen qamtýdyń belsendi túrlerine tartý jáne paıdaly daǵdylarǵa úıretý mańyzdy.

Azamattyq qoǵam búkil eldi nyǵaıtý men damytýda basty ról atqarady. Almaty qalasy Azamattyq alıansynyń tóraǵasy Konstantın Avershın sportty damytý máselesine keńinen toqtaldy. Ol óziniń sózinde Joldaýda buǵan deıin qoǵam kótergen máselelerdiń kórinis tapqany aıtty. Eske salsaq, Memleket basshysy óskeleń urpaqtyń sporttyq jáne shyǵarmashylyq áleýetine meılinshe nazar aýdarýdy tapsyrǵan edi. Munda buqaralyq sportqa, dene shynyqtyrýǵa jáne balalarǵa basymdyq berý kerek. Ár oblysta, iri aýdan ortalyqtarynda sport seksııalaryn ashý mindetteldi.

QR JOO Birlestiginiń basqarma múshesi, Abaı atyndaǵy QazUPÝ rektory Tahır Balyqpaev óz baıandamasyn oqýshylar men stýdentterdi oqytýǵaarnalǵan ózekti taqyryp - sıfly platformalar máselesine arnady.

«Prezıdent Úzdiksiz bilim berý tujyrymdamasy týraly aıtty. Úı jaǵdaıyndaǵy jáne beıresmı oqytýdyń máni zor. Bul rette bilim berý kýrstaryn usyný erekshe mánge ıe bolýda», - dep aıtty T. Balyqpaev. Joldaýda azamattardyń saýattylyǵyn, olardyń sıfrlyq bilimin arttyrý maqsatynda Úkimetke úzdiksiz bilim berý Tujyrymdamasyn daıyndaý tapsyryldy. Tujyrymdamada beıresmı bilim berýdiń alternatıvti nusqalaryn belsendi túrde engizý, óz betinshe bilim alý nátıjelerin, kásibı daǵdylaný sertıfıkıkasııalaryn maquldaý kerektigi atap ótilýi qajet.

Almaty qalasy máslıhatynyń depýtaty, «Aq-jol» QDP múshesi Fedor Konstantınov aýqymdy ekonomıkalyq máselelerdi alǵa jyljytý kerektigin aıtyp ótti. Pandemııa oryn alyp turǵan tusta kásipkerlik sektordy, sondaı-aq óndiristik salany qoldaý jónindegi qadamdarǵa barý óte mańyzdy.

Bıznesti qoldaý máselelerin óz sózinde Almaty qalasynyń Kásipkerlik palatasynyń dırektory Narıman Ábilshaıyqov ta qozǵaı ketti.

«Memleket basshysy ekonomıkanyń zardap shekken salalaryndaǵy barlyq jumys istep turǵan shaǵyn jáne orta bıznestiń kásiporyndaryna jyldyq paıyzdyq mólsherlemesi 6% -dyq memlekettik sýbsıdııany qamtamasyz etýdi tapsyrdy. Bul kategorııaǵa saýda, transport, týrızm, qoǵamdyq tamaqtaný , kınoteatr, qonaq úı salalaryn endi. Azyq-túlik ónimderin satý jáne dárihanalar oǵan kirmeıdi. Sýbsıdııalaý tótenshe jaǵdaı jarııalanǵan osy jyldyń 16 naýryzynan bastap, 12 aılyq kezeńdi qamtıdy » - dep aıtty N. Ábilshaıyqov.

UKP ókili sonymen qatar megapolıs aýmaǵyndaǵy kásipkerlikti damytýǵa arnalǵan qoldanystaǵy amaldar jaıynda da keńinen aıtypberdi. Sonymen, Almatyda «Almaty Business-2025» aımaqtyq baǵdarlamasy jumys jasaýda, ol boıynsha kópbalaly, turmysy nashar otbasylar jáne ónerkásiptik park rezıdentterine arnalǵan 2%-dyq, shaǵyn jáne orta bıznes sýbektilerine arnalǵan 7%-dyq kepildi nesıege qol jetkizýge bolady. Nesıe 20-dan 300 mln. teńgege deıingi somany quraıdy.
«Turǵynúıqurylysjınaqbankiniń» QoǵamdyqKeńes tóraǵasy, jýrnalıst Sergeı Ponomarev ekologııa máselesine toqtaldy. Jańa Ekologııalyq kodeks jobasynyń ázirlengenin eske salyp óteıik. Prezıdent Joldaýynda ekologııalyqjaǵdaıdy jaqsartý jónindeginaqty sharalardy iske asyrý, sondaı-aq ár alýan bıologııalyq túrlerdi saqtaýjáne oryndy paıdalanýdyń uzaq merzimdi josparyn bekitý tapsyryldy. Besjylishinde orman qorynda 2 mıllıard, eldi mekenderde 15 mıllıon aǵash egý júzege aspaq.

«О́te mazmundy jáne negizdemeli Joldaý. 2 mıllıard aǵashty egip qana qoımaı, onyń kútimi men sýǵarylýynda qamtamasyz etý kerek. Bul rette bizderge, ıaǵnı qoǵam múshelerine de óz jumysymyz ben baqylaýymyzdy nyqtaı túsý qajet»- depaıtty S. Ponomarev.

M. Áýezov atyndaǵy Ádebıet jáne О́ner Instıtýtynyń dırektory Kenjehan Matyjanov óz kezeginde qazaq ádebıeti salasyndaǵy bilim berý baǵdarlamalaryn kúsheıte túsý jóninde baıandap ótti.

«Nur-Otan» partııasynyń Almaty qalalyq fılıaly tóraǵasynyń birinshi orynbasary Stanıslav Kankýrov óz sózin Prezıdent belgilegen máselelerdi júzege asyrýǵa arnady.

«Memleket basshysy óz Joldaýynda naqty mindetterdi atapqana qoımaı, olardy sheshý joldaryn da belgilep ketti. Osylaısha, Prezıdent Joldaýda Qazaqstandaǵy óte mańyzdy másele - turǵyn úı máselesin de kóterdi. Osyndaı qadamdardyń biri Turǵyn úı qurylys jınaq bankin Otbasy Bankine aınaldyrý bolyptabylady. Endi bul bank turǵyn úıge muqtaj barlyqazamattarǵa «bir tereze» prınsıpimen jumys isteıtin bolady. Bul ózgerister Biryńǵaı bazda kezekte turǵan jumys jasaýshy azamattardyń tómen mólsherlemeli nesıemen qamtamasyz etilýine múmkindik beredi. Bul baǵyttaǵy qadamdardy iske asyrý estýshi memleket talabyna saı keledi. Men barlyq qazaqstandyqtardy osy bir strategııalyq qujattyń negizgi taraýlaryn iske asyrýǵa qosylýǵashaqyramyn», - dep atap ótti S. Kankýrov.

«Almaty qalasynyń Kásipodaqtyq ortalyǵy» aımaqtyq kásipodaqtary azamattardy áleýmettik qoldaýdy ınstıtýsıonaldaý týraly jańalyqty erekshe entýzıazmmen qabyldady», - dedi Z. О́mirbaeva. Ol kásipodaqtardyń zańnamany jańartýda barlyq baǵyttar boıynsha, ásirese «Medıasııa» týraly Zań aıasynda belsendi jumys istep jatqanyn atap ótti. Eske sala keteıik, Joldaýda Memleket basshysy memlekettiń qatysýynsyz kelissóz jasaýdyń, máseleni sheshýdiń balamaly joldaryn damytýdy tapsyrdy. Mundaı ınstıtýttar ózderin damyǵan elderde jaqsy kórsetti.

Aısulý Ernııazova bastaǵan «Volonterlar lıgasy» QQ tóraıymy bastaǵan Almaty eriktileri Qazaqstandaǵy joǵary bilim sapasyn arttyrý jáne standarttaý boıynsha jumys toptaryna qosylý bastamasyn aıtty.

«Elge bilikti mamandar kerek, óz daǵdylarymyzdy ushtaý kerek. Volonterlik - bul óz maqsatqa jetýge jáne halyqtyń ıgiligi úshin ıdeıalardy júzege asyrýǵa múmkindik beretin «áleýmettik lıft» quraly», - dedi Aısulý Ernııazova jáne almatylyq jastardy Joldaýda kórsetilgen mindetterdi belsendi júzege asyrýǵa qosylýǵa shaqyrdy.

Qorytyndylaı kele, Almaty qalasynyń qoǵam músheleri Memlekettik basshysynyń Joldaýda aıtqan bastamalary men naqty qadamdaryn biraýyzdan qoldaıdy jáne azamattardyń laıyqty ómir súrýleri men olardyń quqyǵyn qorǵaý syndy qoıylǵan maqsattarǵa jetý jolynda baryn salady.