• USD 468.56

  • EUR 497.56

  • RUB 7.3

  • CNY 67.18

29 Naýryz, 12:07:15
Almaty
+35°

Atyraý perınataldyq ortalyǵyndaǵy náreste ólimine qatysty sot prosesi ótti. Sybaılas jemqorlyqqa qarsy qyzmet departamentiniń asa mańyzdy ister jónindegi tergeýshisi Asqarbek Ermuqashevtan kýá retinde jaýap alyndy. Bul týraly azh.kz habarlady.

Oqıǵa 2019 jyldyń 29 qyrkúıeginde bolǵan. Atyraý perınataldyq ortalyǵynda dúnıege kelgen náreste qımyldamaǵan soń, ony qujatqa "óli týyldy" dep jazǵan. Alaıda sábıdi muzdatqysh kamerasyna ákelgen kezde aıaǵy qımyldaǵan.

Jemqorlyqqa qarsy is-áreket departamentiniń habarlaýynsha, dárigerler qujattar shataspas úshin balany tiri kúıinde muzdatqyshta qaldyrǵan. 

Sottalyp jatqan akýsher Qulbatyrovanyń advokaty Talǵat Muqatanov Ermuqashevtan ózi qorǵap otyrǵan azamatty kinalaýǵa qandaı sebep baryn surady. 

– Bul jasyryn tergeý amaldarynyń nátıjesimen dáleldenedi. Eki adamnyń ózara telefon arqyly sóılesken áńgimesi bar. Siz qorǵap otyrǵan adam – oryndaýshy, – dep jaýap berdi.

Advokat "sóz baılasqan" degen túsiniktiń qaıdan shyqqanyn suraǵanynda:

– Men jańa aıttym, telefon arqyly sóılesken áńgimeniń stenogrammasy bar, fılologııalyq saraptamanyń qorytyndysy bar, onyń ishinde dárigerler bir-birimen keńesip, osy balanyń taǵdyryn sheshkeni anyq.  Áńgimeniń stenogrammasynda "Qudaı bizdi keshirsin" degen sózder bar. Olar áńgimeniń tórkini ne týraly ekenin túsindi, – dedi Ermuqashev.

"Joǵarǵy Sottyń normatıvtik qaýlysyna sáıkes, náresteni tońazytqyshqa salyp, onyń tynys alýyna múmkindik bermegeni erekshe qatygezdikke jatady. "Basqa qylmysty jasyrý maqsatynda" – qylmystyq kodeksiniń 317-baby ("Medısına qyzmetkeriniń kásibı mindetterin tıisinshe oryndamaýy") boıynsha qylmysty jasyrý maqsatynda balany tońazytqyshqa saldy.

Aýdıo jazbanyń mazmunyna súıensek,  eger siz sýǵa salǵanda, saraptama balanyń ókpesinde sý bolǵanyn kórsetedi, sondyqtan olar tońazytqyshqa salýdy uıǵarǵan. Belgili bir ýaqyt ishinde tiri sábı dármensiz kúıde boldy, oǵan kómek kórsetilmegen. Mine, osy dálelder eskerilip, negizge alyndy" dep málimdegen tergeýshi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir