Eńbek jáne halyqty áleýmettik qorǵaý mınıstri Birjan Nurymbetov zeınetaqy jınaǵyn paıdalanýǵa qatysty túsinikteme berdi.

– Prezıdent halyqqa joldaýynda áleýmettik sala boıynsha birqatar tapsyrma berdi. Memleket basshysy osy jyldyń sońyna deıin azamattardyń óz zeınetaqy jınaǵynyń bir bóligin turǵyn úı jaǵdaıyn jaqsartýǵa, qymbat turatyn emge tóleýge nemese qarjy kompanııalarynyń basqarýyna berýge paıdalaný boıynsha qajetti quqyqtyq aktilerdi qabyldaýdy jáne daıyndyq jumysyn júrgizýdi tapsyrdy. Búginde maquldanǵan tujyrymdamalyq sheshim bar. Atalǵan maqsatta 721 myń adamnyń óz zeınetaqy jınaǵyn paıdalanýǵa múmkindigi bolady. Osy oraıda shamamen 1,4 trln teńge kóleminde, – dedi Nurymbetov.

Onyń ishinde jetkiliktilikti sheginen asatyn zeınetaqy jınaǵy bar 530 myńǵa jýyq jumys isteıtin azamat, 178 myńnan astam zeınetaqy jınaǵy bar zeınetker jáne 13 myń annýıtet tólemderine shart jasaǵan azamattar qamtylǵan.

Aıta keteıik, keshe parlament palatalarynyń birlesken otyrysynda Prezıdent Qasym-Jomart Toqaev 2021 jyldan bastap zeınetaqy jınaǵyn baspana satyp alýǵa jumsaýǵa bolatynyn atap aıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir