Almatyda áleýmettik mańyzy bar azyq-túlik taýarlaryna qoıylǵan baǵalardyń tómendegeni baıqalady

Úsh aı qatarynan ÁMAT qoıylǵan tutyný baǵalarynyń ındeksi (TBI) 100%-dan tómen deńgeıde tur. Shildede kórsetkish 98,7%-ǵa deıin tómendedi.

Baǵanyń negizsiz ósýine jol bermeý maqsatynda, qalada birqatar sharalar, olardyń qatarynda – turaqtandyrýdyń jańa mehanızmderi, azyq-túlikti tikeleı jetkizýdi uıymdastyrý jáne básekelestik orta qurý sekildi sharalar qoldanylýda.

Almatynyń azyq-túlik qaýipsizdigin qamtamasyz etý úshin, jergilikti bıýdjet qarajattarynyń esebinen, búgingi kúni, turaqtandyrý sharalarymen áleýmettik mańyzy bar azyq-túlik taýarlarynyń 19 jaıǵasymynyń 18 jaıǵasymy qamtyldy.

Áleýmettik mańyzy bar azyq-túlik taýarlaryna (ÁMAT) qoıylǵan baǵalardyń ósý táýekelderin eskere otyryp, karantın sharalarynyń alǵashqy kezeńinen bastap, 2020 jylǵy naýryzda kásipkerlik sýbektilerine jergilikti bıýdjetten jeńildikpen beriletin qaıtarymdy qaryz berý jáne ÁMAT-tyń 13 ataýynyń baǵalaryn bekitý úshin 5 mlrd tg bólindi.

Bólingen qarajattar «Magnum Cash&Carry» saýda jelilerine jáne «Aqsaınan NTK» JShS-ne aınalym qarajattaryn tolyqtyrý jáne ótkizý baǵalaryn bekitý úshin joldandy.

Atap aıtqanda, «Magnum Cash&Carry» JShS-ne sórelerdegi bekitilgen shekti baǵalarymen jáne aǵymdaǵy jylǵy qazan aıyna deıin baǵany ustap turý kólemimen 11 925 tonna kóleminde ÁMAT-tyń 12 jaıǵasymyna 3,6 mlrd tg somasynda jeńildik qaryzy berildi.

Sondaı-aq, «Aqsaınan NTK» JShS-ne 1-shi surypty unnan áleýmettik qalypty nan pisirý úshin 350 mln. teńge somasynda jeńildik qaryzy berildi. Satylýdyń jalpy kólemi bir bólke nan úshin 70 teńge bolyp bekitilgen ótkizý baǵalarymen jáne 5 aı ishinde baǵalardy ustap turý kólemimen 21,8 mln-nan astam bólke nanyn quraıdy.

Shart boıynsha baǵalardy bekitý sáýir-shilde aılarynyń kezeńinde baǵalardyń tómendeýine aıtarlyqtaı áser etti: 11 jaıǵasymnyń 9 jaıǵasymyna baǵalardy ustap turý jáne 6 jaıǵasym boıynsha, onyń ishinde: taýyq etine, qumshekerge, kúnbaǵys maıyna, sútke, irimshikke, rojkıǵa, kúrishke jáne 1-shi surypty unǵa baǵalardy tómendetý múmkindigi bolmady.

Budan basqa, qalanyń 250 saýda nysandaryna bekitilgen ótkizý baǵasy (1850 tg/kg) boıynsha sıyr etin jetkizý uıymdastyryldy. Atalǵan kelisim aǵymdaǵy jyldyń sońyna deıin jasaldy, saýda oryndarynyń sany 500-ge deıin arttyrylatyn bolady.

Qazirgi ýaqytta, 2020-2021 jyldardyń maýsymaralyq kezeńine «kókónisti saqtaýǵa salý» boıynsha qosymsha shart jasaldy. 1,5 mlrd teńge somasynda jeńildikpen berilgen qaıtarymdy zaemǵa «Magnum Cash&Carry» JShS shamamen 12 myń tonna kókónis (kartop, sábiz, pııaz, qyryqqabat) satyp alatyn bolady.

Qabyldanǵan júıeli jáne jedel sharalardyń arqasynda karantın rejimine qaramaı, qala ákimdigine áleýmettik mańyzy bar azyq-túlik taýarlaryna qoıylǵan baǵalardy turaqtandyrýǵa múmkindik týdy.

Osylaısha, aǵymdaǵy jylǵy sáýirde tutyný baǵalarynyń ındeksi (TBI) ÁMAT-tyń 9 ataýy boıynsha baǵalardyń tómendeýiniń esebinen 100%-dy, mamyrda – 99,2%-dy (ÁMAT-tyń 6 túri boıynsha baǵalardyń tómendeýi), maýsymda – 99,7%-dy (ÁMAT-tyń10 túrli ataýy boıynsha baǵalardyń tómendeýi) qurady.

О́tken aıdan bastap, ÁMAT-tyń 7 ataýy boıynsha: kartop, pııaz, sábiz; sút ónimderinen: sút, aıran, irimshik, sondaı-aq qumshekerdiń baǵalarynyń tómendegeni baıqalady.

Sonymen, tutyný baǵalarynyń ındeksi shildede taǵy 1%-ǵa tómendep, 98,7%-dy qurady.

ÁMAT-qa qoıylǵan baǵalardy turaqtandyrý boıynsha jumys jalǵasýda.