«Qala turǵyndaryna qaýipsizdikti qamtamasyz etý úshin bizdiń tarapymyzdan qatań sharalar qabyldanǵan» — J. Bekshın qosymsha shekteý sharalary týraly

Bul týraly óńirlik kommýnıkasııalar qyzmetiniń alańynda Almaty qalasy boıynsha Taýarlar men qyzmetterdiń sapasy men qaýipsizdigin baqylaý departamentiniń basshysy – Almaty qalasynyń bas memlekettik sanıtar dárigeri Jandarbek Bekshın aıtty.

2020 jyldyń 3 tamyzy saǵat 00:00-den bastap COVID-19 koronavırýs ınfeksııasynyń taralýyn boldyrmaý jónindegi qosymsha shekteý sharalary engiziledi. Jekeleı alǵanda, COVID-19 dıagnozy rastalǵandar jáne PTR nátıjesi oń kórsetken azamattar úıde oqshaýlaný talaptaryn oryndaýlary mindetti.

Qalanyń Bas memlekettik sanıtar dárigeri aıtýynsha, búginde ókinishke qaraı azamattar tarapynan úı karantıni erejesin buzý anyqtalǵan, úıden shyǵyp ketetinder kóp. Qosymsha sharalar koronavırýs ınfeksııasynyń taralýyn eskertýge baǵyttalǵan.

«Aýrý belgileri joq ony taratýshy barlyq kezde erekshe qaýip tóndiredi. Gepatıt A juqtyrǵandardyń ózi 20 adamǵa deıin juqtyratyny esimizde. Kóbi biz kórip otyrǵanymyzdaı, bul talapty buzady. Bul kórshilerdiń juqtyrýyna jáne ınfeksııanyń odan ary taraýyna ákeleýi múmkin. Sol sebepti biz vırýstyń odan ary taralýyn joıýda arnaıy sharalar qabyldadyq», — dep habarlady J. Bekshın.

Sonymen birge, ol atalǵan talaptardy oryndamaǵany jáne buzǵany úshin azamattardy ákimshilik jáne qylmystyq jaýapkershilikke tartý qarastyrylǵanyn atap ótti.

«Qala turǵyndaryna qaýipsizdikti qamtamasyz etý úshin bizdiń tarapymyzdan qatań sharalar qabyldandy, bul sharalar shyn máninde úı karantınindegilerge jáne PTR nátıjesi oń shyqqan aýrý belgileri joq adamdarǵa olardyń qaıta juqtyrýyn toqtatýǵa baǵyttalǵan», — dep tolyqtyrdy ol.

Oqshaýlaný jáne basqa adamdardyń juqtyrmaýy úshin sharalardy qoldaný múmkindigi bolmaǵan jaǵdaıda turǵyndarǵa Almaty qalasynyń Qoǵamdyq densaýlyq saqtaý basqarmasynyń +7 (727) 300-05-05, +7 (727) 300-01-03 jedel telefon nómirlerine habarlasý qajet jáne kórsetilgen meken-jaı boıynsha óz erkimen karantındik stasıonarǵa jatýy kerek.

COVID-19 dıagnozy rastalǵan tulǵanyń karantındik stasıonarda bolýy bıýdjet esebinen tólenedi.