Baǵdat Mýsın jańa qyzmetke taǵaıyndaldy

Baǵdat Mýsın QR Sıfrlyq damý, ınnovasııalar jáne aeroǵarysh ónerkásibi mınıstri qyzmetine taǵaıyndaldy. Bul týraly Aqorda habarlady.

"Baǵdat Batyrbekuly Mýsın Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri bolyp taǵaıyndalsyn" delingen prezıdent jarlyǵynda.

Baǵdat Mýsın 1983 jyly 3 naýryzda Pavlodar oblysynda dúnıege kelgen.

Súleımen Demırel atyndaǵy ýnıversıtetti, Qazaq quqyqtaný jáne halyqaralyq qatynastar ınstıtýtyn bitirgen.

2011 jáne 2012 jyldar aralyǵynda QR BAM Memlekettik qyzmetterdi avtomattandyrýdy baqylaý jáne HQO qyzmetin úılestirý komıteti tóraǵasynyń orynbasary boldy.

2012 jyldan bastap QR Kólik jáne kommýnıkasııa mınıstrliginiń Memlekettik qyzmetterdi avtomattandyrýdy baqylaý jáne HQO qyzmetin úılestirý komıteti tóraǵasynyń laýazymyn atqardy.

2014 jyldyń sáýirinde «Ulttyq aqparattyq tehnologııalar» AQ Basqarma tóraǵasy bolyp taǵaıyndaldy.

2017 jyly 25 qańtarda Qazaqstan Respýblıkasy Bas prokýratýrasynyń Quqyqtyq statıstıka jáne arnaýly esepke alý komıtetiniń tóraǵasy qyzmetine taǵaıyndaldy.

Bıyl naýryz aıynda QR Prezıdentiniń sıfrlandyrý jáne ınnovasııalyq tehnologııalar jónindegi keńesshisi bolyp taǵaıyndalǵan.