• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 16:43:51
Almaty

Bilim jáne ǵylym mınıstri Ashat Aımaǵambetov Prezıdent Qasym-Jomart Toqaevtyń "Jańa jaǵdaıdaǵy Qazaqstan is-qımyl kezeńi" atty joldaýynda bilim jáne ǵylym salalaryn damytý týraly tapsyrmalaryn iske asyrýdy bastaǵanyn atap aıtty.

– 6 jasqa deıingi balalardy balabaqshamen 100 paıyz qamtamasyz etý 2025 jylǵa qaraı kezeń kezeńmen iske asyrylady. Muny jekemenshik balabaqshalardyń úlesin kóbeıtý arqyly oryndaımyz. Qazirgi jaǵdaıda qaı balabaqsha memlekettik tapsyrysty alatynyn aýdan, qala, bilim bólimderi sheshse, al budan keıin ata-analardyń ózi vaýcherlik qarjylandyrý arqyly sheshetin bolady. Naqty bir balany balabaqshaǵa kezegi kelgende ata-anasy vaýcherdi alyp ózi qalaǵan balabaqshaǵa beredi. Bul básekelestikpen qatar sapany kóteredi, – dedi ol. 

Mınıstr orta bilim boıynsha birqatar jumystardy atap ótti.

– Qashyqtan oqytý aıasynda otandyq naryqqa 8-den astam bilim berý platformasy shyǵýda. Biraq platformalardyń fýnksıonaly men múmkindikteri ár túrli. Mınıstrlik oqytý prosesin tolyqqandy iske asyrý úshin qajetti fýnksıonaldy alýǵa múmkindik beretin onlaın platforma qoıylatyn biryńǵaı talaptardy ázirlep, iske asyratyn bolady. Bilim berý uıymdarynyń oqytýdyń dástúrli kúndizgi formatyna qaıtarýdyń tıisti tártibi densaýlyq saqtaý mınıstrligimen birge ázirlenedi. 

Prezıdenttiń muǵalimderdiń jalaqysyn 2021 jyly 1-qańtardan bastap 25 paıyzǵa arttyrý tapsyrmasy boıynsha tıisti qarajat bıýdjet jobasynda tolyǵymen qarastyryldy. Buǵan qosa memleket basshysynyń tapsyrmasy aıasynda qyrkúıek aıynan bastap dápter tekserýshiniń ústemaqysy 2 esege, synyp jetekshi  úshin alatyn ústemaqy 2 esege, magıstr dárejesi bar muǵalimder 27 myń teńge kóleminde jańa ústemaqy alatyn bolady, – dedi úkimet otyrysynda Ashat Aımaǵambetov. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir