"49 jastaǵy Ilon Masktyń Forbes tiziminde tez kóterilýi jalǵasty. Dúısenbide ol Facebook kompanııasynyń negizin qalaýshy Mark Sýkerbergten  basyp ozdy" dep habarlady Bloomberg. 2020 jyly Tesla aksııalary shamamen 500% qymbattap, Masktyń baılyǵy 87,8 mıllıard dollarǵa ósken. 

Bloomberg Billionaires ındeksine sáıkes eki aptanyń aldynda ǵana Ilon Masktyń baılyǵy 84,8 mıllıard dollarǵa baǵalanyp, álemdegi tórtinshi baı adam bolǵan. Al, osy dúısenbide onyń jekelik dáýleti 115,4 mıllıard dollarǵa jetip,  baılyǵy 110,8 mıllıard dollarǵa baǵalanǵan Mark Sýkerbergty basyp ozdy.

Osylaısha, Ilon Mask Bıll Geıtsten keıingi orynǵa turaqtap, ǵalamshardaǵy úshinshi baı adam boldy.

Aıta keteıik, Ilon Mask naýryzda Forbes tizimi boıynsha álemdegi dáýletti 30 adam qataryna kirmeıtin. Onyń jekelik dáýleti 20 shildede 74 mıllırad dollarǵa jetken.  Bloomberg aqparaty Ilon Masktyń Forbes tiziminde "aqqan juldyz jyldamdyǵymen" kóterilgenin málimdegen. Shildeniń basynda Masktyń álem boıynsha jetinshi baı bolǵany habarlansa, arada bir apta óter-ótpesten onyń álemdegi eń baı bes adamnyń qataryna qosylǵany jarııalandy

Basylymnyń aqparatyna sáıkes, dúısenbiden bastap Djeff Bezos, Bıll Geıts jáne Ilon Mask álemniń eń baı úsh adamy boldy.

Ilmek sózder: Ilon Mask

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir