• USD 468.56

  • EUR 497.56

  • RUB 7.3

  • CNY 67.18

29 Naýryz, 13:05:28
Almaty
+35°

Muǵalimderdiń quqyǵyn buzǵany úshin ata-analar men mektep basshylyǵy jazalandy. Bul týraly bilim jáne ǵylym mınıstri Ashat Aımaǵambetov málimdedi.

Ol Facebook paraqshasynda "Pedagog mártebesi týraly" zańnyń mańyzdy erejeleriniń biri – pedagogti mindetine jatpaıtyn fýnksııalarǵa tartýdan qorǵaý, orynsyz eseptilikten bosatý. Bul normalar jańa oqý jyly qarsańynda óte ózekti" dep jazǵan.

Mınıstrliktiń osyǵan qatysty qatań ustanymdaryna qaramastan, osy erejelerdi buzý jaǵdaılary kezdesken.

"Osydan birneshe apta buryn Lengir mektep-ınternatynda ákimshilik is qozǵaldy, onda pedagogterdi laýazymdyq mindetterine kirmeıtin jumystarǵa tartqan. Bilim salasynda sapany qamtamasyz etý departamenti oqıǵa ornyna baryp, qyzmettik tekserý júrgizdi.

Faktiler rastaldy jáne mektep dırektorynyń m.a. ákimshilik jaýapkershilikke tartyldy. Buǵan deıin Túrkistan oblysy Kentaý qalasyndaǵy Molda Musa atyndaǵy mektepte de qyzmettik tekserý júrgizildi. Onda muǵalimdi mektepti jóndeý jumystaryna tartqan. Atalǵan fakti tekserý barysynda rastaldy. Mektep dırektorynyń mindetin atqarýshy da, Kentaý qalalyq bilim bóliminiń qyzmetkeri de ákimshilik jaýapkershilikke tartyldy" dep jazdy mınıstr.

Mınıstrdiń aıtýynsha, qysqa ýaqyttyń ózinde bilim salasynda sapany qamtamasyz etý jónindegi aýmaqtyq departamentterge júzden astam ótinish kelip túsken. Nátıjesinde laýazymdy tulǵalarǵa da, bilim alýshylardyń ata-analaryna da qatysty 30-dan astam ákimshilik jaza qoldanyldy.
 
Zańdy buzǵandarǵa qatysty jaza munymen toqtamaq emes. Ákimshilik jazalardan bólek, jumystan bosatý týraly sheshimder de qabyldanady.
 
"Pedagogterdiń quqyqtaryn qorǵaý týraly aıtqanda, muǵalimder óz mindetterin adal oryndaý týraly da este saqtaýy qajet. О́ıtkeni jańa Zańnyń talaptary da jańa. Pedagogıkalyq qyzmetpen aınalysatyn árbir jan jas urpaqqa úlgi bolyp, óz jumysynda adamgershilik qaǵıdalary men moraldyq qundylyqtardy basshylyqqa alýy tıis" delingen Facebook paraqshasynda.
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir