30 Tamyz, 2020 Áleýmet
Foto: pikabu.ru
Shvesııanyń Malme qalasynda ıslamǵa qarsy belsendiler Quran kitapty órtep, vıdeoǵa túsirgen. Buǵan jaýap retinde úsh júzge jýyq musylman qala kóshelerine shyǵyp, kólik qozǵalysyn jaýyp, ot jaqqan. Bul týraly Rossııa 24 arnasy habarlady.
Shvesııada birneshe kún buryn kóshe sýretshisi atanyp ketken Dan Park esimdi azamat Danııanyń "Qatań kelisim" (Stram Kurs) partııasynyń jetekshisi, advokat Rasmýs Palýdanmen birge Malme bıliginen manıfest ótkizýge ruqsat suraǵan. Aksııa barysynda qasıetti quran kitapty órteýdi de josparlaǵan.
Buǵan deıin de etnıkalyq arazdyqty qozdyrǵany úshin sottalǵan arandatýshynyń bul ótinishine kelisim bermegen. Artynsha Danııamen shekarada ustalyp qalǵan advokat Palýǵa Shvesııa terrıtorııasyna kirýge tyıym salynady. Alaıda soǵan qaramastan partııa músheleri josparlaryn júzege asyryp, Quran kitabyn órtep jatqan vıdeolarymen bólisken.
Bul jaǵdaı eldiń ishinde búliktiń shyǵýyna sebepker boldy. Ashýǵa boı aldyrǵan 300-ge jýyq azamat Amıralsgatan men Shelegatan kósheleriniń qıylysynda kólik qozǵalysyn jaýyp, órt qoıypty. Dál sol jerde narazy top dóńgelekter men aǵash materıaldaryn laqtyryp, olardy toqtatpaq bolǵan polısııa qyzmetkerlerine bótelkeler, tastar jáne otshashýlar laqtyrǵan.
"Qatal kelisim" – ıslamǵa tyıym salýdy jáne barlyq "batystyq emes" adamdardy Danııadan shyǵarýdy qoldaıtyn partııa sanalady.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir