Qazaqstanda birqatar JOO-nyń lısenzııasy toqtatyldy

Bilim jáne ǵylym mınıstrligi birneshe joǵary oqý ornynyń bilim berý lısenzııasynyń kúshi ýaqytsha toqtatylǵanyn habarlady.

"Almaty" ýnıversıteti, "Qaınar" akademııasy, Almaty ekonomıka jáne statıstıka akademııasy, Qazaq medısınalyq úzdiksiz bilim berý ýnıversıteti, A.Qýatbekov atyndaǵy Halyqtar dostyǵy ýnıversıteti jáne "Silkway" halyqaralyq ýnıversıtetin qaıta tekserý qorytyndysy boıynsha bilim berý salasyndaǵy zańnama normalarynyń buzylýy qaıta anyqtaldy.

Osyǵan baılanysty QR BǴM Bilim jáne ǵylym salasyndaǵy sapany qamtamasyz etý komıteti "Almaty" ýnıversıteti, Almaty Ekonomıka jáne statıstıka akademııasy, Qazaq medısınalyq úzdiksiz bilim berý ýnıversıteti, A.Qýatbekov atyndaǵy Halyqtar dostyǵy ýnıversıteti anyqtalǵan buzýshylyqtar joıylǵanǵa deıin lısenzııasynyń kúshin toqtatty.

"Qaınar" akademııasy men "Silkway" halyqaralyq ýnıversıtetiniń isi tekserý qorytyndysyna shaǵymdanýyna baılanysty sotta qaralýda.

Sot prosesi aıaqtalǵannan keıin tıisti sharalar qabyldanady.

Sonymen qatar M.H. Dýlatı atyndaǵy Taraz óńirlik ýnıversıtetinde "quqyq" daıarlaý baǵyty boıynsha (bakalavrıat) lısenzııaǵa qosymshanyń qoldanylýy toqtatyldy.

Osy rette talapkerlerdi zańnamaǵa sáıkes bilim berý qyzmetin júrgizýge lısenzııanyń qoldanylýy toqtatylǵan jaǵdaıda joǵary oqý orny jańa 2020-2021 oqý jylyna qabyldaı almaıtyndyǵyna nazar aýdarýlaryn suraımyz.