28 Tamyz, 2020 NEWS

«Ata zań: «Jeti jarǵydan» Qazaqstan Respýblıkasy Konstıtýsııasynyń 25 jyldyǵyna deıin» taqyrybynda dóńgelek ústel ótti

Foto: astana.gov.kz/kz

Onlaın basqosý barysynda qatysýshylar 25 jyl ishinde Konstıtýsııaǵa engizilgen ózgeristerdi talqylady, dep habarlaıdy ákimdiktiń resmı saıty.

Nur-Sultanda «Ata zań: «Jeti jarǵydan» Qazaqstan Respýblıkasy Konstıtýsııasynyń 25 jyldyǵyna deıin» taqyrybynda dóńgelek ústel ótti. Oǵan belgili quqyqtanýshylar, ǵalymdar, memlekettik qyzmetkerler, ÚEU basshylary, belsendi jastar qatysty. Nur-Sultan qalasy ákiminiń orynbasary Baqtııar Máken óz sózinde negizgi zań Qazaqstan halqyna tańdaý quqyǵyn bergendigi ekenin atap ótti.

«Elbasy Konstıtýsııanyń qoǵam men el ómirindegi erekshe rólin únemi aıtyp keledi. Keshe Memleket basshysy atap ótkendeı, Konstıtýsııa bizdiń táýelsizdigimizdiń berik quqyqtyq negizin jasady. Memlekettiń joǵary qundylyqtary adam, onyń ómiri, quqyqtary men bostandyqtary dep jarııalandy. Bul qujatta eldiń aýmaqtyq tutastyǵy, qoǵamdyq kelisim, saıası turaqtylyq, zańnyń ústemdigi jáne demokratııa prınsıpteri shoǵyrlandyryldy. Jańa astananyń damýy búkil Qazaqstandy túbegeıli ózgertti, ony ekonomıkalyq turǵydan qýatty jáne saıası turaqty memleketke, jaýapty jáne bedeldi halyqaralyq serikteske aınaldyrdy. Qazaqstannyń astanasy bizdiń memleketimizdiń táýelsizdik jyldaryndaǵy áleýmettik-ekonomıkalyq jáne saıası jetistikterin beıneleıdi, eldiń qýatyn jáne ony odan ári damytýdyń joǵary áleýetin kórsetedi», – Baqtııar Máken.

Onlaın-kezdesý barysynda kórnekti qaıratkerler elimizdiń Konstıtýsııasynda 25 jyl ishinde jasalǵan negizgi ózgerister týraly aıtty.

«Ata zańdy ázirleý barysynda álemdegi kóp eldiń konstıtýsııalary zertteldi, biraq bizdiń el Konstıtýsııasynyń negizi retinde Fransııa Konstıtýsııasy alyndy. Fransııada kúshti prezıdenttik bılik bar, biraq eshkim ol jerde demokratııa joq dep aıta almaıdy. (...) Ata zań dogma emes, onyń mazmuny adekvatty áleýmettik-ekonomıkalyq jáne saıası jaǵdaıǵa sáıkes ózgeredi. Qoldanystaǵy Konstıtýsııa qabyldanǵannan beri ótken ýaqyt ishinde oǵan bes ret ózgertýler men tolyqtyrýlar engizildi», – dep túsindirdi QR Konstıtýsııalyq keńesiniń múshesi Rahmet Muqashev.

QR Prezıdenti janyndaǵy Memlekettik basqarý akademııasy Dıplomatııa ınstıtýtynyń professory, elimizdiń birinshi syrtqy ister mınıstri Tóleýtaı Súleımenov ata zańnyń qazirgi qundylyqtary týraly aıtty.

«Qazir Qazaqstannyń óz zańdy shekarasy bar. Shekarasyz táýelsizdik bolmaıdy. Bizdiń eldiń terrıtorııasynda ornalasqan ıadrolyq qarýdyń arsenalynan óz erkimen bas tartý memleket ekonomıkasyna sheteldik ınvestısııalardy tartýǵa múmkindik berdi. О́ziniń syrtqy saıasatynyń qalyptasýy Qazaqstannyń álemdik arenada jalpyǵa tanylǵan oıynshyǵa aınalýyna múmkindik berdi», – dep atap ótti Tóleýtaı Súleımenov.

Qatysýshylar sonymen birge Konstıtýsııa barlyq zańdardyń negizin qalaıtyn saıası jáne quqyqtyq júıeniń ózegine aınalǵanyn atap ótti. Ata zańnyń arqasynda qazirgi zamanǵy quqyqtyq memleket qalyptasty. El birligi árqashan basty nazarda bolýy tıis.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir