27 Tamyz, 2020 NEWS
Foto: Ashyq derekkóz
Almaty qalasynyń bas memlekettik sanıtar dárigeri Jandarbek Bekshın mıtıngige shyǵatyn belsendilerge eskertý jasady. Bul týraly ol óńirlik kommýnıkasııalar qyzmetinde ótken onlaın brıfıngte aıtty.
– Sońǵy kezde áleýmettik jelelirde mıtıngter men kópshilik sharalarǵa úndeıtin aqparattar taralyp júr. Bas memlekettik sanıtardyń 14 tamyzdaǵy №47 qaýlysy boıynsha kóp adam shoǵyrlanatyn sharalarǵa áli tyıym salynǵan, – dep atap ótti Bekshın.
Ol óz sózinde mıtıngti uıymdastyrýshylar zań aldynda jaýap beretinin basa aıtty.
– Halyqtyń kóp jınalýyna úndeýdi qoıý qajet. Onymen adamdarǵa qaýip tóndiresizder. Qatań karantındik sharalardyń arqasynda qaladaǵy epıdemıologııalyq jaǵdaı jaqsardy. Alaıda normalar saqtalmasa, jaǵdaı taǵy qıyndap ketýi ábden múmkin, – dedi bas memlekettik sanıtar dárigeri.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir