Foto: ShQO aqparat ortalyǵy
Shyǵys Qazaqstannyń daryndy balalary álemdi bilimderimen moıyndatqany jóninde aımaq basshysy Danıal Ahmetovtiń qatysýymen ótken tamyz konferensııasy barysynda aıtyldy.
Bilim basqarmasynyń basshysy Saırangúl Jumadilovanyń aıtýynsha, oblys oqýshylarynyń komandasy Shyǵys Qazaqstannyń atyn halyqaralyq jáne respýblıkalyq olımpıadalarda abyroımen qorǵap júr. 2019-2020 oqý jylynda ıntellektýaldyq saıystarǵa qatysýshylar 106 medaldi ıelengen. Onyń ishinde 36 altyn, 31 kúmis, 39 qola medal bar. Sonyń 35-i halyqaralyq saıystardyń enshisindegi medal. Eýropadaǵy halyqaralyq olımpıadaǵa qatysyp, fızıka páni boıynsha baǵyn synap, Qazaqstannyń namysyn qorǵaǵan Semeıdegi oblystyq mamandandyrylǵan bilim-ınnovasııa lıseıiniń 11 synyp oqýshysy Rasýl Maǵaýın altyn medaldi ıelendi. Ol kóptegen halyqaralyq olımpıadalardyń júldegeri ekenin aıta ketken oryndy.
Sondaı-aq mektepter halyqaralyq jobalar men baıqaýlarǵa qatysady. BUU men Ekologııa, geologııa jáne tabıǵı resýrstar mınıstrliginiń muryndyq bolýymen uıymdastyrylǵan
«Meniń Eko-Mektebim» atty respýblıkalyq baıqaýǵa qatysqan Semeıdegi №3 mektep-kesheni reıtıng boıynsha joǵary ball jınap, QR-daǵy Japonııa elshiliginiń 23 mln teńge kólemindegi halyqaralyq qaıtarymsyz grantyn utyp aldy. Búgingi kúni №3 orta mektep óńirdegi qanatqaqty alańǵa aınaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir