Baıden komandasy Shyńjańdaǵy qazaqtarǵa jasalǵan saıasatty "genosıd" dep atap, Trampty synady

AQSh demokratııalyq partııadan prezıdenttikke úmitker Djo Baıdenniń naýqany Qytaıdyń Shyńjańdaǵy qazaqtar men uıǵyrlarǵa jasaǵan saıasatyn "genosıd" dep atap, Donald Trampty shara qoldanýǵa shaqyrdy.

Shyńjań aımaǵyndaǵy qazaqtar men uıǵyrlarǵa jáne basqa da azshylyq toptarǵa jasaǵan saıasaty úshin Beıjiń bıligi halyqaralyq quqyq qorǵaýshy toptar men AQSh zań shyǵarýshylarynyń synyna ilikti.

–Qytaıdyń avtorıtarlyq úkimetiniń Shyńjańdaǵy etnıkalyq azshylyqtarǵa jasaǵan tilsiz zorlyq-zombylyǵy genosıd bolyp sanalady jáne Djo Baıden buǵan barynsha qarsy turady...Donald Tramp shara qoldaný úshin ne isteıdi? Ol azshylyqtarǵa jasalǵan bul túrshigerlik saıasatqa selqos qaraǵany úshin keshirim suraýy kerek,–degen Baıden saılaý naýqanynyń ókili Endrıý Beıts Axios-qa bergen suhbatynda.