27 Tamyz, 2020 NEWS

"Eshteńe qalmady". Baspanasy órtenip ketken turǵyndar kómek suraýda (vıdeo)

Foto: Qamshy.kz

2020 jyldyń 20 tamyz kúni Almaty qalasy Alataý aýdanyna qarasty Inabat kóshesiniń boıynda ornalasqan úıde túngi ýaqytta órt boldy. Baspanasyz qalǵan Derbethan О́serdiń otbasy ákimdik pen halyqtan kómek suraıdy.

Úı ıesi men kýágerlerdiń aıtýynsha zańsyz tartylǵan elektr symyna naızaǵaı túsýi ottyń shyǵýyna sebep bolǵan. Jalyn bútin bir úıdi sharpyǵan. Úsh balamen úıdiń ishinde otyrǵan Aqerke Turdaı qatty daýysty estı sala dalaǵa shyqqan. Kishkentaı nárestesin qolyna alyp syrtqa júgirgen ana qalǵan eki balany kósheden ótip bara jatqan adamdar qutqardy deıdi. Adam shyǵyny joq, al materıaldyq shyǵyndarǵa keler bolsaq, úıdegi jıhazdan bastap qujattarǵa deıin janyp ketken. Sonymen qatar, kórshi turǵan úıde órt qushaǵynda qalǵan. Baspanasyz qalǵan Derbethan О́serdiń otbasy ákimdik pen halyqtan kómek suraıdy.

Alataý aýdany ákiminiń orynbasary Ádilet Toqtasynovtyń aıtýynsha, saraptama nátıjesi shyqpaı úkimetten eshqandaı kómek berilmeıdi. Al órtke oranǵan úıdiń ıeleri saraptama nátıjesi shyqqansha baspanasyz júre almaımyz dep shaǵymdanyp otyr. Turǵyndardyń narazylyǵyn tyńdaýǵa kelgen ákim orynbasary úı ıesiniń kelini Aqerke Turdaımen daýlasyp ta qaldy.

Kaspi Gold

Kómek kórsetemin deýshilerge:

О́seruly Elqonys

Kaspıı gold:  5169 4931 4753 0201

                         +7 747 583 90 95

JSN:                920312302351

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir