Qashyqtyqtan oqytýǵa baılanysty ShQO-daǵy mektep muǵalimderine arnalǵan beıne kitaphana ázirlendi

ShQO bilim basqarmasynyń basshysy Saırangúl Jumadilova jańa oqý jylynda oqýshylardyń sany ótken jylmen salystyrǵanda bir jarym myńǵa artyp, 189 myń baladan asqanyn atap ótti. Olardyń jartysy qashyqtyqtan sabaq oqıdy.

Onlaın sabaqty sapaly júrgizý úshin bilim ortasy qurylyp, kompıýtermen qamtamasyz etý jáne ınternetke qosý máseleleri sheshilýde.

Oqý jyly bastalmas buryn oblystaǵy muǵalimder pedagogıkalyq sheberlik ortalyǵynda 40 saǵattyq asınhrondalǵan onlaın kýrstan ótti. Kýrs barysynda sıfrlyq platformany qoldanýdy meńgerip qaıtty.

Budan bólek, pedagogtarǵa kómek retinde 1200 sabaqtan turatyn sıfrlyq bilim kontenti ázirlendi.

"О́rleý" biliktilikti arttyrý ulttyq ortalyǵynyń oblystyq fılıaly pedagogtarmen birge 8-9 synyp oqýshylaryna arnalǵan geometrııa, fızıka, bıologııa, orys tili jáne ádebıeti pánderi boıynsha 304 beınesabaqty ázirledi.

Aǵymdaǵy kezeńde О́skemen men Semeı qalalaryndaǵy mektepterde 82 pedagogtiń qatysýymen 272 sabaq shyǵaryldy.

Qashyqtyqtan bilim berý maqsatynda oblysta úsh myń astam sabaqtyń beıne kitaphanasy jasaldy. Al pedagogtarǵa arnalǵan eki myńnan astam vebınar uıymdastyryldy.

Shaǵyn komplektili 373 mektepte shtattyq rejımde 41 986 bala bilim alady. Oqý eki aýysymda uıymdastyrylady. Aýysym kezinde jarty saǵattyq úzilis bolyp, árbir sabaqtan soń dezınfeksııalaý jumystary júrgiziledi. Mektepterde betperde (maska) kııý rejımi saqtalyp, medısınalyq baqylaý kúsheıtiledi.

Aımaq basshysy Danıal Ahmetov balalardyń densaýlyǵyn saqtaý úshin mektepterdegi qaýipsizdik

sharalaryn qatań saqtaýdy tapsyrdy. Sondaı-aq dezınfeksııalyq jáne sanıtarlyq qaýipsizdik quraldarymen qamtamasyz etýdi, teplovızorlar men sanıtaızerler, kireberistegi qorǵanys kilemshelerin jáne betperdemen (maska), bakterısıdti shamdarmen qamtýdy baqylaýǵa alýdy júktedi.