Almatyda hırýrgııa bóliminiń meńgerýshisi qaıtys boldy

Almatyda №4 qalalyq klınıkalyq aýrýhananyń hırýrgııa bóliminiń meńgerýshisi Bolat Túsiphanov qaıtys boldy. Bul týraly Almaty qalasy qoǵamdyq densaýlyq basqarmasynyń baspasóz qyzmeti habarlady.

"Bolat Túsiphanovtyń kenetten qaıtys bolýy medısına úshin orny tolmas qaıǵy. Almaty qoǵamdyq densaýlyq basqarmasy ujymy Bolat Asylhanulynyń otbasy men jaqyndaryna qaıǵyryp kóńil aıtady" delingen habarlamada.

Bolat Asylhanuly – №4 qalalyq klınıkalyq aýrýhananada 2018 jyldan beri jumys istegen joǵary sanatty dáriger.

Ol maýsym aıynda týystaryna qaýipti indetten saqtanýǵa aýdıohabarlama joldaǵan. Keıinnen jibergen aýdıohabarlamasy áleýmettik jelide keńinen tarap, halyq arasynda rezonans týdyrdy. 

Eske sala keteıik, aýdıoda eki hırýrg naýqastarmen baılanysta bolyp,  aýyryp qalǵan. Bir dáriger jansaqtaý bóliminde áreń esin jıǵanyn, ekinshisiniń jaǵdaıy álsiz ekeni aıtylǵan.

"Aýrýhana naýqastarǵa toly, jansaqtaý bóliminde oryn joq. Medısınalyq apparattar da jetkiliksiz. Bul shyndyq. Jaǵdaıy ortasha aýyr naýqastar úılerinde qalýǵa májbúr. Dári de berilmeıdi. Sondyqtan densaýlyqtaryńyzdy kútip, abaılańyzdar" delingen aýdıojazbada.