"Soltústik Koreıa áskerleri men polısııasyna eldiń Qytaımen shekarasynan bir shaqyrymǵa jaqyndaǵan kez kelgen adamdy atýǵa buıryq berildi" dep habarlaıdy brıtanııalyq Deılı Ekspress baslymy. 

Basylymnyń aqparatyna sáıkes, Phenıan COVID-19-dyń taralýyn toqtatý úshin osyndaı qatań sharalar engizýde. Sońǵy ýaqytqa deıin Soltústik Koreıa elde koronavırýs taralǵanyn joqqa shyǵardy.

О́tken aıda Kım Chen Yn bul elge koronavırýs "kire alatynyn" moıyndady.

Soltústik Koreıa Hamgıong provınsııasynyń turǵyny jýrnalısterge koronavırýstyq pandemııa aıaqtalǵanǵa deıin Soltústik Koreıa men Qytaıdyń shekarasynda qatań saıasat júrgiziletini habarlanǵanyn aıtqan.

Aqparattarǵa sáıkes, Hıorıon qalasynyń polısııasyna "Soltústik Koreıa men Qytaı shekarasynan bir shaqyrym qashyqtyqqa kelgen adamdardy, qandaı da bir sebepterine qaramastan, óltiremiz" dep qaýipsizdik mınıstrliginen shuǵyl habarlama jiberilgen.

Aıta keteıik, buǵan deıin Soltústik Koreıa men Qytaı arasynda jaǵdaıdyń shıelenisip, Phenıan shekaraǵa 1500 arnaýly jasaqty jibergeni habarlanǵan. Oǵan qosa, eki eldiń teńizshileri men patrýldik qaıyqtary qaqtyǵysyp, adamdar qaza tapqany málim bolǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir