Prezıdent Qasym-Jomart Toqaev sybaılas jemqorlyqqa qarsy is-qımyl agenttiginiń tóraǵasy Alık Shpekbaevty qabyldady, dep habarlady Aqorda.

Alık Shpekbaev prezıdentke sybaılas jemqorlyqqa qarsy is-qımyl agenttiginiń bıyl 7 aıda atqarǵan jumystary jaıly qorytyndy esep berdi. Ol memlekettik qyzmetkerler men jaýapty basshylardyń sybaılas jemqorlyqqa qarsy shara qoldanbaǵany úshin qyzmetinen bosatylýy týraly aıtty. Sondaı-aq normatıvtik-quqyqtyq aktilerdi jemqorlyqqa qarsy saraptamadan ótkizýdi qalpyna keltirýge qatysty Toqaevtyń buǵan deıin bergen tapsyrmalarynyń oryndalýyn baıandady.

"Prezıdent memlekettik organdardyń jumysyna qyzmet kórsetý modelin engizýdiń mańyzdylyǵyn atap ótip, agenttiktiń azamattyq qoǵam ókilderimen birge sybaılas jemqorlyqtyń aldyn alý jáne adaldyq ıdeologııasyn ilgeriletý jónindegi is-qımyldaryna oń baǵa berdi" delingen habarlamada.

Kezdesý sońynda Toqaev 19 tamyz kúni sybaılas jemqorlyqqa qarsy is-qımyl jónindegi keńeste bergen tapsyrmalaryn tezirek júzege asyrý qajet ekenin aıtty. Ol keńeste jemqorlyq qylmystar úshin jaýapkershilikti qatańdatyp, qoǵamdyq baqylaýdyń tıimdiligin arttyrýǵa qatysty tapsyrmalar bergen.

 
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir