Qazaqstanda 31 tamyzdan bastap qandaı nysandar jumysyn qaıta bastaıdy?

QR premer-mınıstriniń orynbasary Eraly Toǵjanovtyń tóraǵalyǵymen ótken vedomstvoaralyq komıssııa otyrysynda eldegi shekteý sharalaryn jeńildetýdiń ekinshi kezeńi maquldanǵany habarlandy.

Densaýlyq saqtaý mınıstrligi shekteý sharalary el boıynsha COVID-19 ınfeksııasyn 10 esege, jedel járdemdi shaqyrý sanyn 4,2 esege, aýrýhanada jatqandardyń sanyn 80%-ǵa tómendetýge múmkindik bergenin, al mobıldi brıgadalar sany 7,6 esege artqanyn habarlady.

Qol jetkizilgen oń áserdi eskere otyryp, vedomstvoaralyq komıssııa bıyl 31 tamyzdan bastap kelesi nysandardyń qyzmetin qaıta bastaý týraly sheshim qabyldady:

• Dinı obektiler (jeke, ujymdyq is-sharalar ótkizilmeıdi);
• Basseınder (jeke formatta, 1 kelýshige 5 sh. m. sý beti esebinen, aldyn ala jazylý arqyly);
• Jattyǵý zaldary (1 kelýshige 5 sh. m. deıin, aldyn ala jazylý arqyly);
• Sport keshenderi (1 kelýshige 5 sh. m. deıin jeke jáne toptyq jattyǵýlar úshin);
• Mádenıet nysandary (1 kelýshige 5 sharshy metrge deıin, tolymdylyǵy 50%-dan aspaıdy, onyń ishinde keminde 2 metr áleýmettik qashyqtyqty saqtaı otyryp, 30 adamǵa deıin ujymdyq daıyndyqtar, úzilisterde bólmelerdi jeldetý, betperde taǵý qajet);
• Erekshe qorǵalatyn tabıǵı aýmaqtar: memlekettik ulttyq tabıǵı parkter, qoryqtar, rezervattar jáne t. b. (jeke jáne 15 adamnan aspaıtyn uıymdasqan toptar úshin áleýmettik araqashyqtyqty saqtaı otyryp, keminde 2 metr qashyqta, betperde taǵý qajet);
• Qala mańyndaǵy jolaýshylar poıyzdarynyń/elektr poıyzdarynyń, qalaaralyq, oblysishilik avtobýstardyń/shaǵyn avtobýstardyń qozǵalysyna ruqsat beriledi.

– Barlyq nysandar tıisti daıyndyq aktilerin alǵannan keıin ǵana jumysqa kirisýge ruqsat beriledi. О́ńirlerdiń ákimdikteri densaýlyq saqtaý mınıstrligi, "Atameken" UKP-men birlesip, qoǵam belsendilerin tarta otyryp, engiziletin nysandardyń barlyq sanıtarlyq talaptardy qatań saqtaýyn qamtamasyz etýi qajet, – dep atap ótti E. Toǵjanov.