• USD 424.85

  • EUR 504.21

  • RUB 5.84

  • CNY 65.86

27 Qarasha, 15:01:44
Almaty

Túrkistan oblysynda 21 jolaýshy otyrǵan avtobýs aýdaryldy. Bul týraly Polisia.kz habarlady.

Portaldyń habarlaýynsha, jol-kólik oqıǵasyna  qatysty tergeý júrgizilip jatyr.

"26 tamyz kúni saǵat 06:30 shamasynda Túlkibas aýdandyq polısııa bólimshesi kezekshi bólimine aýrýhanadan Almaty-Tashkent-Termez tas jolynyń 649 shaqyrymynda jolaýshylar avtobýsynyń aýdarylǵany týraly habarlama kelip tústi. Jol-kólik oqıǵasy oryn alǵan jerge birinshi bolyp Túlkibas aýdandyq polısııa bólimshesi jedel-tergeý toby, oblystyq patrýldik polısııa batalony jáne tótenshe jaǵdaı qyzmetkerleri keldi. Polıseıler men tótenshe jaǵdaı qyzmetkerleri jolaýshylarǵa aýdarylǵan avtobýstan shyǵýǵa kómektesti" delingen habarlamada.

Avtobýs júrgizýshisi men bir jolaýshy aýrýhanaǵa jatqyzyldy. Qalǵan 19 jolaýshy medısına kómegin alý úshin Saıram, Túlkibas aýdandary men Shymkent qalasynyń aýrýhanalaryna jetkizildi. Jolaýshylardyń arasynda eki júkti áıel de bar.

Aldyn ala málimetter boıynsha, aýa raıynyń qolaısyzdyǵynan júrgizýshi kólik tizginin basqara almaı qalǵan.

Qazirgi ýaqytta qylmystyq kodeksiniń 345-baby ("Jol qozǵalysy jáne kólik quraldaryn paıdalaný erejelerin buzý") boıynsha sotqa deıingi tergeý amaldary júrigizilip jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir