Koronavırýs pen pnevmonııadan taǵy 17 adam kóz jumdy

Densaýlyq saqtaý mınıstrligi ótken táýlikte koronavırýstan 10 adam, al pnevmonııadan 7 naýqastyń kóz jumǵanyn málimdedi.

26 tamyzdaǵy málimetter boıynsha ótken táýlikte koronavırýstyq ınfeksııa belgileri bar pnevmonııanyń 781 jaǵdaıy tirkeldi,351 adam emdelip shyqty.

1 tamyzdan bastap aýyrǵandar sany – 23 543, qaıtys bolǵandar – 268, jazylyp shyqqandar sany 4 901-ge jetti.

 Qazirgi ýaqytta koronavırýstyq ınfeksııadan 9 541 naýqas em qabyldap jatyr. Olardyń arasynda 49 bala bar. Stasıonarlarda  4 786 naýqas jatyr. 4 755 adam ambýlatorııalyq jaǵdaıda emdelýde.