25 Tamyz, 2020 Barlyq aımaqtar

Májilis depýtattary ShQO turǵyndarymen shalǵaı aýyldardyń máselelerin talqylady

Nur-Sultan, 25 tamyz, Májilis úıi. Májilistiń Ekonomıkalyq reforma jáne óńirlik damý komıtetiniń tóraǵasy, depýtat Nurtaı Sabılıanov Shyǵys Qazaqstan oblysyna baryp, halyqpen kezdesti.

Májilis depýtattary ShQO turǵyndarymen shalǵaı aýyldardyń máselelerin talqylady

Turǵyndarmen kezdesýde Nurtaı Sabılıanov áleýmettik-ekonomıkalyq máseleler, sonyń ishinde avtomobıl joldaryn jóndeý, turǵyn úı salý jáne turǵyndardy joǵarǵy jyldamdyqty ınternetpen qamtamasyz etý sııaqty birqatar máselelerge nazar aýdardy.

Sondaı-aq, memlekettik ekonomıkany karantınniń zardaptarynan qalpyna keltirý boıynsha qabyldaǵan sharalarǵa baılanysty jáne soǵan sáıkes áleýmettik salany damytý, az qamtamasyz etilgen azamattarǵa, bilim berý jáne medısınalyq mekemelerge kómek kórsetý máseleleri de qamtyldy.

Nurtaı Sabılıanovtyń aıtýynsha, turǵyndardy taza aýyz sýmen qamtamasyz etý, elektr energııasyn jetkizýdi arttyrý, kómir baǵasy, turǵyn úı salý, joldardy jóndeý jáne poshta baılanysyn jaqsartý erekshe nazarda.  Nurtaı Sabılıanov

Sapar barysynda depýtat Abaı aýdanynyń Qaraýyl aýylynda jergilikti turǵyndarymen kezdesip, taza aýyz sýmen qamtamasyz etý jumystaryn, jańadan salynyp jatqan mektep qurylysy men turǵyn úılerge baryp, qurylysshylarmen júzdesti.

 Al, Shyǵys Qazaqstan oblysy Aıagóz qalasynda dárigerlermen júzdesken Nurtaı Sabılıanov aýdanaralyq aýrýhanada jańadan ashylǵan, zaman talabyna saı medısınalyq quraldarmen jabdyqtalǵan angıografııalyq bólimniń jumysymen tanysty.

Depýtat halyqqa joǵarǵy deńgeıde medısınalyq qyzmet kórsetip jatqan aq halatty abzal jandardyń adal eńbekteri úshin alǵys bildirdi.

Issapar barysynda depýtat Shyǵys Qazaqstan oblysynyń ortalyǵynan 570 shaqyrym jerde ornalasqan Alǵabas, Qaınar, Abyraly aýyldarynda halyqpen kezdesti.  Nurtaı Sabılıanov

Nurtaı Sabılıanovtyń aıtýynsha, Semeı ıadrolyq polıgonynan zardap shekken azamattarǵa áleýmettik, medısınalyq kómek kórsetýdi arttyrý, mal sharýashylyǵyn damytýǵa qoldaý kórsetý, taza aýyz sýmen qamtamasyz etý (Alǵabas, Abyraly), elektr jaryǵynyń qýattylyǵyn arttyrý, kómirdiń baǵasyn retteý, turǵyn úı salý, jol jóndeý, pochta qyzmetin jaqsartý máseleleri únemi nazarda bolýy tıis.

Sondaı-aq, depýtat respýblıkalyq mańyzy bar Semeı-Qaınar avtojolyn jóndeý, jańa kópir salý jumystary barysymen tanysty.

Turǵyndardyń suraqtaryna jaýap berip, usynys-pikirlerin tyńdaǵan Májilis depýtaty Nurtaı Sabılıanov Májilistiń zań shyǵarýshylyq jumysynda nazarǵa alý úshin memlekettik áleýmettik-ekonomıkalyq máselelerge erekshe mán berdi.

Májilistiń Baspasóz qyzmeti, 74-63-01

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir