23 Tamyz, 2020 NEWS
Foto: Qamshy.kz
Búgin 23 tamyz kúni Almaty qalasynda jáne basqa qalalarda birneshe qoǵam belsendileri ustalǵany týraly aqparat tarady. Ishki ister bólimshesinde otyrǵan belsendilerdi úıine qaıtarýyn talap etken bir top azamattar Almaty qalasy Masanchı-Qarasaı batyr kósheleriniń qıylysynda ornalasqan IID aldyna jınaldy.
Qoǵam belsendilerine arasha surap kelgen azamattardyń aıtýynsha, olardyń úıine polısııa qyzmetkerleri baryp, sebepsiz, negizsiz tintý júrgizgen.
"Biz myna kitaptardy jazdyq. Bizben oınamasyn! Kerek bolsa, halqym úshin aıqasyp ólemin! Úkimet bizdiń aryzymyzdy tyńdamasa, balama úkimet quratyn bolamyz. Sol kezde halyq aryzyn bizge aıtatyn bolady" degen 1986 jylǵy jeltoqsan kóterilisine qatysýshy Hasen Qoja-Ahmet sebepsiz ustalǵan azamattardy bosatýdy surady.
Qamshy tilshisi oqıǵa ornyna baryp, jınalǵan azamattardyń pikirin bildi.
Posmotret etý pýblıkasııý v Instagram
Posmotret etý pýblıkasııý v Instagram
IID janyna jınalǵan adamdar qoǵam belsendileri úılerine qaıtqansha sol jerde bolatyndaryn aıtty. Saǵat 00:00 shamasynda kelgen patrýldik polısııa qyzmetkerleri azamattardyń qala tynyshtyǵyn buzyp jatqanyn aıtyp, úılerine qaıtýyn aıtty. Narazy top "tynyshtalamyz, biraq taramaımyz" dep jaýap berdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir