Foto: Aleksandr Kýprıenko
Elorda ákimi Altaı Kólginov «О́ndiris» turǵyn alabyndaǵy jumystardyń barysymen tanysty. Bul týraly ol óziniń Instagramdaǵy paraqshasynda jazdy, dep habarlaıdy ákimdiktiń resmı saıty.
«Eldi-mekenderdegi sharýashylyq jumystardy jalǵastyryp jatyrmyz.
Abattandyrýdy qajet etetin jerlerge turǵyndarǵa asa qajeti úlken aýlalar, saıabaqtar men jaıly tynymbaqtar salynýda. Búgingi keshkilik ýaqytta qala shetindegi eldi-mekenniń biri О́ndiriste (Lesozavod) júrgizilip jatqan jumystardy qadaǵalap keldim.
Aqbıdaı kóshesi, 11 meken-jaıynda qazir fýtbol alańy bar aýla jasaldy. Bul balalarǵa da, aǵa býyn úshin de yńǵaıly bolady.
Taıbýryl, 9a kóshesiniń aýmaǵynda shaǵyn saıabaq ashyldy. Munda 1950 jyly salynǵan japsarlas úıler boldy. Aýmaq birneshe aımaqqa bólindi: sporttyq trenajerler aımaǵy, balalarǵa arnalǵan oıyn alańy jáne fýtbol/basketbol alańy.
Aýla aýmaqtary men qoǵamdyq oryndy abattandyrý kezinde kógaldandyrýǵa erekshe nazar aýdaramyz. Egilgen tal-terekterdiń saıasy ystyq kúnderi turǵyndardyń demalýyna jaıly bolmaq. Taǵy bir jańalyq bl jerge turǵyndardyń ótinishi boıynsha jyly aıaldama ornatyldy.
Sonymen qatar, Prezıdenttiń tapsyrmasyna sáıkes О́ndiris eldi-mekeninde №23 oqý ornynyń aýmaǵynda mekteptiń jańa korpýsynyń qurylysy bastaldy. Eńseli dene shynyqtyrý-saýyqtyrý kesheniniń qurylysyn júrgizip jatyrmyz. №49 mektebinde kúrdeli jóndeý júrgizemiz. Kezdesý barysynda О́ndiris eldi-mekeniniń turǵyndary birqatar másele kóterdi. Olardy josparymyzǵa bekittik», – dep jazdy Altaı Kólginov.
Jalpy, bıyl 150 aýla men 50 qoǵamdyq keńistik (saıabaqtar, skverler, býlvarlar) abattandyrylady.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir