21 Tamyz, 2020 NEWS

Senim keńesinen bes adam shyǵaryldy

Foto: qamshy.kz

Ulttyq qoǵamdyq senim keńesi quramynda ózgeris boldy. Bul týraly Aqorda saıty habarlady.

"Ulttyq qoǵamdyq senim keńesiniń quramyna birqatar azamattyq qoǵam ókilderi – "Dos" táýelsiz ómir ortalyǵy" múgedekter qoǵamdyq birlestiginiń tóraıymy Dına Erdildınova, Atameken Business telearnasynyń bas dırektory Qanat Saharııanov, jýrnalıst, bloger О́rken Kenjebek, medıa sarapshysy Maksım Rojın, áleýmettik kásipker Emın Áskerov engizildi" delingen habarlamada.

Sondaı-aq rotasııa aıasynda birneshe tulǵa qoǵamdyq keńesten shyǵaryldy.

"Ulttyq keńes quramynan sıfrlyq damý, ınnovasııalar jáne aeroǵarysh ónerkásibi mınıstri mindetin atqarýshy Baǵdat Mýsın, belgili saıasattanýshy Danııar Áshimbaev, qoǵam qaıratkerleri Muhtar Taıjan, Seıdahmet Quttyqadam jáne Jánibek Qojyq shyǵaryldy" delingen habarlandy.

Ulttyq qoǵamdyq senim keńesi 2019 jyly 12 maýsym kúni qurylǵan. Prezıdent jarlyǵyna saı, keńestiń negizgi maq­saty – jurtshylyqtyń, saıası par­tııalardyń, azamattyq qoǵam ókil­deriniń qatysýymen memlekettik saıasatqa qatysty ózekti, mańyzdy máseleler boıynsha bastamalardy, usynystardy tujyrymdaý.


 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir