19 Tamyz, 2020 NEWS

Toqaev: Kásipkerler jemqorlyq qysymnan qýatty qorǵanysty sezine bilýi kerek

Foto: zakon.kz

Prezıdent Qasym-Jomart Toqaev sybaılas jemqorlyqqa qarsy kúres máseleleri jóninde keńes ótkizdi, dep Aqorda habarlady.

– Ekonomıkalyq problemalar aıasynda kásipkerlikke qoldaý kórsetý erekshe ózektilikke ıe bolyp otyr. 5 jyldyń ishinde zańdy kásipkerlik qyzmetke kedergi keltirý týraly qylmystyq is boıynsha 11 tulǵa, reıderlik týraly is boıynsha 7 tulǵa sottaldy. Osy sannan-aq bıznesti qorǵaýdyń quqyq qorǵaý tetikteri kibirtektep turǵanyn kórýge bolady, – dedi Toqaev.

Ol ótken jyldaǵy joldaýda zańdy bızneske kedergi keltirý aýyr memlekettik qylmys ekendigin atap ótti.

– Úkimetke bas prokýratýramen birge bir merzimde qozǵalǵan barlyq máseleler boıynsha naqty usynystardy bekitýdi tapsyramyn. Biz engizgen sybaılas jemqorlyqqa qarsy súıemeldeý ınstıtýty alǵashqy jemisin bere bastady. Osy jyldyń birinshi jartyjyldyǵynda ǵana 510 bıznes-jobanyń zańsyz 114 faktisi anyqtaldy. Bul jumysty jalǵastyrý qajet. Bas prokýratýra kásipkerlerdi qylmystyq qýdalaý orbıtasyna negizsiz shyǵarý faktilerin shuǵyl joıyp otyrýy tıis. Kásipkerler, ınvestorlar jemqorlyq qysymnan qýatty qorǵanysty sezine bilýi kerek, – dedi prezıdent.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir