«Eńbek» memlekettik baǵdarlamasyna 400 myńǵa jýyq adam qatysty

Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyna 379 myń adam qatysty. Bul týraly QR Prezıdenti janyndaǵy Ortalyq kommýnıkasııalar qyzmetinde ótken brıfıngte Eńbek jáne halyqty áleýmettik qorǵaý vıse-mınıstri Serik Shapkenov málim etti.

«Memlekettik baǵdarlamany júzege asyrý aıasynda shaǵyn bıznesti damytý úshin 5 800 jeńildetilgen nesıe men 17 200 qaıtarymsyz grant berildi. 5 800 shaǵyn nesıe alýshy qosymsha 6 151 turaqty jumys ornyn qura aldy», - dedi S. Shapkenov.

Vıse-mınıstrdiń aıtýynsha, memleket sýbsıdııalaıtyn jumys oryndaryna 156 myń qazaqstandyq jumysqa ornalasqan. Jumyspen qamtý ortalyqtarynyń joldamalary boıynsha 130 myń adam ashyq bos jumys oryndaryna ıe boldy.

«Búginde 34,5 myń adam kásipkerlik negizderine qysqa merzimdi oqytýdan ótýde. Qyrkúıek aıynda UBT tapsyrmaǵan 20 myńnan astam talapker jumysshy mamandyqtaryna tegin kásiptik-tehnıkalyq oqýǵa jiberiledi», – dedi spıker.