Ilon Mask álemniń tórtinshi dáýletti adamy boldy

Bloomberg birneshe apta buryn Tesla kompanııasynyń bas atqarýshy dırektory Ilon Masktyń Frobes tiziminde "aqqan juldyz jyldamdyǵymen" kóterilgenin jarııalaǵan. Basylym búgingi aqparatynda "Masktyń qarjylyq jaǵdaıynyń tez artýynyń báseńdeıtin túri joq" dep habarlady.

Dúısenbide Tesla kompanııasynyń aksııalary 11 paıyzǵa artyp, rekordtyq deńgeıge jetken. Bul Mastyń dáýletin 7,8 mlrd dollarǵa kóbeıtip, ol álemdegi eń baı tórt adamnyń qataryna qosylǵan.

Bloomberg Billionaires ındeksinde baılyǵy 84,8 mıllıard dollarǵa baǵalanǵan Ilon Mask fransýz magnaty Bernard Arnony basyp ozyp, Facebook kompanııasynyń bas atqarýshy dırektory Mark Sýkerbergten keıingi orynǵa turaqtaǵan. 

Aıta keteıik, Ilon Mask naýryzda Forbes tizimi boıynsha álemdegi dáýletti 30 adam qataryna kirmeıtin. Onyń jekelik dáýleti 20 shildede 74 mıllırad dollarǵa jetken.  Bloomberg aqparaty Ilon Masktyń Forbes tiziminde "aqqan juldyz jyldamdyǵymen" kóterilgenin málimdegen. Shildeniń basynda Masktyń álem boıynsha jetinshi baı bolǵany habarlansa, arada bir apta óter-ótpesten onyń álemdegi eń baı bes adamnyń qataryna qosylǵany jarııalandy. 

Basylymnyń aqparatyna sáıkes, búginnen bastap Djeff Bezos, Bıll Geıts, Mark Sýkerberg jáne Ilon Mask álemniń eń baı tórt adamy boldy.