18 Tamyz, 2020 NEWS

Neırohırýrg dáriger: Karantınniń alynýy koronavırýsty qaıta órshitýi múmkin

Foto: Myńjylqy Berdiqojaevtyń jeke muraǵatynan alyndy

Neırohırýrg dáriger Myńjylqy Berdiqojaev azamattardy araqashyqtyq saqtap, maska taǵyp, qorǵanys sharalaryn qatań qadaǵalaýǵa shaqyrdy. О́ıtkeni karantın sharalarynyń jeńildetilýi mamyr aıyndaǵydaı koronavırýstyń taralýyna sebep bolýy múmkin.

– Búginde birinshi tolqynnan óttik desek te bolady. Qaıtys bolyp jatqandar, ınfeksııalyq stasıonarlardaǵy naýqastar sany azaıyp kele jatyr. Munyń bári alty aptalyq karantınniń nátıjesi. Qazir karantın talaptary jeńildetilgennen keıin mamyr aıyndaǵydaı jaǵdaı qaıtalanýy múmkin. Koronavırýspen aýyrǵandardyń sany azaıǵanymen, indet tolyq joıyldy dep aıta almaımyz. Sondyqtan karantındegideı saqtyq sharalaryn saqtaý óte mańyzdy. Turǵyndardyń kóbi qarapaıym talaptardy oryndamaı jatady. Kezekte turǵanda araqashyqtyq saqtamaıdy, maska taqpaıdy. Sondyqtan kelesi tolqynnyń bolatyny anyq, – deıdi dáriger.

Neırohırýrg koronavırýsqa qarsy Reseı vaksınasyn tolyq tekseristen ótpeıinshe, satyp alýǵa qarsy ekenin jetkizdi.

– Reseı vaksınasy áli tolyq tekseristen ótpegen. Tekserilmegen vaksınany azamattarǵa salýǵa túbegeıli qarsymyn. Ony tek kelesi jylǵa salýǵa bolady. Jalpy qazirgi jaǵdaıda vaksınasııadan buryn araqashyqtyqty saqtap, qajetti em sharalaryn jasaıtyn profılaktıkany myqtap qolǵa alǵanymyz durys, – dep atap ótti ol.

Dáriger sońǵy kezde tirkelip jatqan kavasakı sındromyna qatysty pikir bildirdi. Qazaqstanda sońǵy kúnderi 11 baladan kavasakı sındromyna uqsas aýrý belgileri anyqtalǵan. Sındromdy kóbine buryn koronavırýspen aýyrǵandar juqtyrady.

– Kavasakı – terilik kórinispen ótetin aýrý. Kavasakıge uqsas sındromdar kezdesip jatqanyn pedıatrlardan estip jatyrmyn. Bul aýrý – óte sırek kezdesetin asqynystardyń biri. Basqa memlekettermen salystyrǵanda Qazaqstanda osy sındrommen aýyratyn búldirshinderdiń sany óte kóp bolyp tur. Olardyń barlyǵy belsendi túrde aýyryp jatyr. Sonyń ishinde biren-sarańy kavasakıge uqsas, aýrýdyń óte aýyr túrimen, ıaǵnı teride bórikpeniń paıda bolýy jáne júrekte mıokard ınfarktisi tanvızalardyń túzilýimen júretin sındrommen aýyrýda. 

Mıokard ınfarktisi (MI) –  jedel koronarlyq qan aınalysynyń jetispeýshiliginen týyndaıtyn júrek bulshyq etiniń nekrozy (óli ettenýi).

Koronavırýs kezinde kavasakı sındromy kishkentaı balalarǵa asa qaýipti. Kóbine aýrý ımmýnıteti álsiregen balalarda kezdesýi múmkin. Kóp jaǵdaıda aýrýdyń sońy naýqastyń ólimimen aıaqtalady. Bul aýrýǵa shaldyqpas úshin adam koronavırýspen aýyrmaýy kerek, indettiń aldyn alatyn basqa jol joq. Sondyqtan másele taǵy da saqtyq sharalarynyń mańyzyna kelip tireledi, – dep Myńjylqy Berdiqojaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir