О́ńirlik kommýnıkasııalar qyzmetinde ótken brıfıng barysynda ShQO TJD basshysynyń m.a. Dmıtrıı Tıtov bıylǵy shomylý maýsymyndaǵy máseleler týraly aıtyp berdi.

Qutqarýshylardyń tynbaı eńbek etkenine qaramastan sýdaǵy qaıǵyly oqıǵalar azaımaı tur. Resmı málimetterge sáıkes, 2020 jylǵy shomylý maýsymy bastalǵaly beri 28 adam sýǵa ketti. Onyń ishinde 17 jasqa tolmaǵan 9 bala bar. Barlyq oqıǵaǵa adamdardyń ózi kináli. Olar kúshterine senip, shomylýǵa tyıym salynǵan oryndarda sýǵa túsedi. Alkogoldik sýsyndar iship, shomylady.

Qaıǵyly oqıǵalardyń deni demalys kúnderi bolady.

Esterińizge sala keteıik, búgingi kúni 359 buqaralyq oryn, týrızm men sportqa arnalǵan jáne sý sharýashylyǵyna daıyndalǵan. Onyń ishinde 180 orynda resmı túrde shomylýǵa ruqsat berilgen.

ShQO-daǵy sý qoımalarynda shomylý maýsymy kezinde qaıǵyly oqıǵalardyń aldyn alý úshin 1018 demalys ornynyń basshylaryna usynys hat jiberildi. Usynys hatta qaýipsizdik erejelerin saqtamaǵan demalys oryndarynyń ıelerin jaýapkershilikke tartý týraly aıtylǵan. Osy oraıda bul TJD mınstriniń buıryǵy ekenin aıta ketken oryndy. Qazirgi ýaqytta 59 jaǵajaıdy 152 qutqarýshy patrýldeıdi. 59 qoǵamdyq beket pen 48 akvatorıı qaralǵan. Osy iske 228 volonter profılaktıkalyq reıd júrgizýge tartyldy. Alakól jaǵalaýyndaǵy qaýipsizdikti qadaǵalaý maqsatynda 4 adamnan quralǵan qutqarýshylar jumys isteıdi.

Búgingi kúni, merekelik jáne demalys kúnderi kestege sáıkes 1603 reıd júrzilip, 33119 jadnama taratyldy. "Shomylýǵa tyıym salynady" degen 282 belgi qoıyldy. 114 stend ornatyldy. Gazetter men saıttarda 148 maqala jaryq kórdi. 767 materıal áleýmettik jelilerde jarııalandy. Teledıdar men radıodan 73 habar taratyldy.

Brıfıng barysynda Dmıtrıı Tıtov shomylý maýsymy kezinde qutqarýshy bolýdy meńgerý úshin jáne jumysqa turý úshin qaıda habarlasý qajettigin atap ótti.

- ShQO TJD-nyń jedel qutqarý toby men "ShQO-daǵy sýǵa batqan jandardy qoǵamdyq qutqarýshylar" uıymyna ótinish jazý kerek. Keıin daıarlaýǵa qatysatyn bolasyz, - dedi Dmıtrıı Tıtov.

"Qamshy" silteıdi
Ilmek sózder: sýǵa shomylý ShQO

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir