Tikeleı efır barysynda ShQO ákimi Danıal Ahmetov 2020-2021 oqý jylynda qaı mektepter qarapaıym rejımde oqytý júıesine jumysqa kirisetinin málim etti.
Bıylǵy oqý jylynda barlyq mekteptegi oqýshylar qashyqtyqtan bilim alady. Oqý barysynda ótken jylǵy tórtinshi toqsandaǵy tájirıbe eskeriletin bolady. Alaıda shaǵyn komplektili jáne oryn sany jetkiliksiz mektepterde atalmysh júıe qoldanylmaıdy. Osylaısha, jalpy orta bilim beretin 334 mektep oqýshylarǵa esigin aıqara ashyp, shtattyq rejımde jumys isteıtin bolady.
Aımaq basshysy, atalǵan mektepterde bilim alatyn oqýshylar eki aýysymda oqıtynyn málim etti. Árbir sabaqtan soń jarty saǵat boıy jeldetý jáne dezınfeksııalaý jumystary júrgiziletin bolady. Sondaı-aq betperde (maska) kııý rejımi men medısınalyq baqylaý kúsheıtiledi.
Aıta keteıik, búgingi kúni barlyq mektep dezınfeksııalyq quraldarmen jáne sanıtarlyq qaýipsizdik quraldarymen qamtamasyz etildi. Onyń ishinde teplovızor, sanıtaızer, kireberistegi qorǵanys kilemderi men bakterıstik shamdar bar. Al balalarǵa tegin betperdeler (maskalar) beriledi.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir