ShQO-daǵy kolledjderde jańa oqý jylynda sanıtarlyq-epıdemıologııalyq talaptar qatań saqtalady

ShQO-da elimizdegi sanıtarlyq-epıdemıologııalyq jaǵdaı eskerile otyryp, tehnıkalyq jáne kásiptik bilim berý júıesinde, mektepterdegi sııaqty jańa oqý jylyn bastaýdyń eki nusqasy qarastyrylýda.  Bul týraly Shyǵys Qazaqstan oblysynyń ákimi Danıal Ahmetov málim etti.

- Qashyqtyqtan oqytý júıesi boıynsha 69 kolledjdyń 32 myńnan astam stýdenti bilim alady dep josparlanýda. О́ndiristik oqytý, kásiptik praktıka, tehnıkalyq, tehnologııalyq, medısına jáne óner mamandyqtary boıynsha zerthanalyq jumys saǵattary barlyq sanıtarlyq talaptardy saqtaı otyryp, júrgiziletin bolady.  Sany az toptarda dástúrli formatta ótkiziledi, - dedi aımaq basshysy.

Baspasóz máslıhaty barysynda oblys ákimi Danıal Ahmetov shtattyq rejımde oqytý shaǵyn kontıngenti bar (200-ge jýyq stýdent) jáne aýyldarda nemese halqy az qalalarda ornalasqan 13 kolledjde uıymdastyrylatynyn atap ótti. Bul kolledjderde jalpy jıyny 1 721 (myń jeti júz jıyrma bir) stýdent bilim alady. Oqý barysynda barlyq sanıtarlyq-epıdemıologııalyq talaptar saqtalyp, kabınettik júıeden bas tartylady.

-         Jańa oqý jylynda «Jas maman» jobasy aıasynda óńirdegi 5 kolledjdiń bazasynda WorldSkills halyqaralyq standarttaryna sáıkes keletin quzyrettilik ortalyqtary ashylady. Qazirgi ýaqytta osy baǵyttaǵy jumystardyń 80 paıyzy oryndaldy. Atalmysh ortalyqtar birinshi qyrkúıekke deıin qoldanysqa beriledi. Onda óńirdegi basqa kolledjderdiń stýdentteri men pedagogtary tájirıbelik sabaqtar ótkizedi, - dedi Danıal Ahmetov.

Aıta keteıik, bul baǵyttaǵy jumystar 2022 jylǵa qaraı kásiptik-tehnıkalyq bilim berý sapasyn 24 paıyzǵa, kolledj túlekterin jumysqa ornalastyrý úlesin 16 paıyzǵa arttyrýǵa múmkindik beredi.