Búgingi kúni tehnologııalyq progresstiń damýyna baılanysty  sıfrlandyrý ekonomıkany ilgeriletýde mańyzdy ról oınaıdy. "Sıfrlyq Qazaqstan" memlekettik baǵdarlamasy aıasynda oblystyń aýmaǵynda sıfrlyq jobalar barlyq baǵytta júzege asyrylýda. Búgingi kúni Shyǵys Qazaqstanda eki IT-ortalyq jumys isteıdi. Onyń biri joǵary polıtehnıkalyq kolledjde ornalassa, ekinshisi elektrotehnıkalyq kolledjde. Onda stýdentter bilim alyp, oqytýshylar tájirıbeden ótedi. ShQO-daǵy 648 mektepte IT-klass bar. Atalmysh synyptar tereńdetilgen sıfrlyq baǵdarlama boıynsha iske qosylǵan. Álemdik standarttarǵa saı jabdyqtalǵan. Jyl saıyn oblystyq chempıonattar men IT-hakaton uıymdastyrylady. "Jastar time” ınnovasııalyq ortalyǵy ashyldy.
COVID-19 pandemııasyna baılanysty qashyqtyqtan oqytý digitalkz.kz portalynda júzege asyryldy. 21 myńnan astam adam oqyp shyqty. Shalǵaıdaǵy eldi meken turǵyndary úshin 11 elektrondy qyzmet kórsetý ortalyǵy ashyldy. Al aǵymdaǵy jyldyń 1 qyrkúıegine deıin dál osyndaı 3 ortalyq ashylady. Sıfrlyq oqytýdyń qortyndysy boıynsha elektrondy qyzmetterdiń úlesi artty. Halyqqa kórsetilgen qyzmet 2019 jylmen salystyrǵanda 6% kóbeıdi.
О́ńirlik elektrondy qyzmet kórsetý ortalyǵy bıznes salasy boıynsha kórsetiletin 6 qyzmettiń mobıldi nusqasyn iske qosty. Oblys boıynsha 565 óz-ózine qyzmet kórsetý buryshy ashyldy. Onda 476 myńnan astam qyzmet kórsetildi. KVI pandemııasy kezinde HQKO qashyqtyqtan qyzmet kórsetýge kiriskende óz-ózine qyzmet kórsetý buryshtary arqyly 30 myńnan astam elektrondy qyzmet kórsetilip, 2,5 myń sıfrlyq kilt jasalyp, 746 adam mobıldi azamat bazasynyń  qosymshasyna tirkeldi. QR BǴM UBBQ-nyń ishki júıesi boıynsha qosymsha 5 memlekettik qyzmetti avtomattandyrý, 7 bıznes prosessin ońtaılandyrý men "elektrondy úkimet" veb portaly arqyly 20 qyzmetti ıntegrasııalaý josparlanýda. 2019 jyldyń qortyndysy boıynsha "aqyldy qala" reıtıngi boıynsha Shyǵys Qazaqstan 12 oryndy (45% jetistikpen) ıelendi. 2020 jylǵy josparǵa sáıkes 80% kem bolmaı, alǵashqy jartyjyldyqtyń qortyndysy 61% qurap otyr.
"Qalany basqarý" jobasy aıasynda vedomstva aralyq biryńǵaı sıtýasııalyq ortalyq qurylyp, keshendi aqparattyq júıeniń birlesýine, jol júrý qaýipsizdigin qamtamasyz etýge, kólik, áleýmettik nysandar, shuǵyl jáne kommýnaldy qyzmetter, geoaqparattar júıesi syndy adam ómiriniń sapasyn arttyrýǵa múmkindik berdi. Aǵymdaǵy jyldyń 7 aıynda ortalyq qyzmetteri  150 myń qońyraý qabyldady. TJ kezinde sıtýasııalyq ortalyq bazasynda ruqsat.kz portaly iske qosylyp, avtokólikterge ruqsatnama berý ótinishteri qabyldandy. "Sergek-blokpost" málimetter bazasy men "Sergek-patrýl" men ınteraktıvti sıfrlyq karta iske qosylyp, áleýmettik nysandarǵa taldaý jasaldy. Ruqsatnama berý ýaqyty bir kúnnen 10 mınýtqa deıin qysqartyldy.
Oblys ákiminiń sıtýasııalyq ortalyǵynda biryńǵaı ıntegrasııalyq 11 servıs quryldy. Onda azamattardyń ótinishteri qarastyryldy. Búgingi kúnge deıin 45 myńnan astam ótinish tirkeldi.
Aımaqta bos jatqan jer aýmaqtaryn kórýge arnalǵan 24 sıfrlyq qabattan turatyn geoaqparattyq portal iske qosyldy. Onda sý nysandary, sý qorǵaý aýmaqtary, ınjenerlik kommýnıkasııalar, jer aýmaqtary kórsetilgen. Portalda О́skemen, Semeı, Rıdder, Aıagóz, Shemonaıha, Serebrıanka, Zaısan, Altaı sıfrlandyrylǵan. Elektrondy portal ashyq qoldanysqa berilgen. Ony www.vkomap.kz kórýge bolady.
О́skemende fotovıdeofıksasııalaý jáne vıdeo saraptama jasaý jobasy aıasynda 4 myńǵa jýyq sergek kamerasy iske qosyldy. Kameralar 159 qıyys pen aýmaqta oryn alǵan zańbuzýshylyqtardy jazyp otyrady. Aǵymdaǵy 2020 jyly atalmysh kameralardyń kómegimen 5092 ákimshilik quqyqbuzýshylyq anyqtalyp, 84 qylmystyq is qozǵaldy. Qoǵamdyq oryndardaǵy qylmys 37%, qala kóshelerinde 41%, JKA 36% tómendedi. Keshendi taldaýdyń nátıjesinde azamattardyń senimi artty.
Oblystaǵy densaýlyq saqtaý salasynyń 99%  densaýlyq saqtaýdyń elektrondy pasportymen qamtamasyz etildi. Turǵyndardyń 77%  mobıldi qosymsha arqyly kómekke júginedi. "DamuMed” platformasynda qashyqtyqtan "Pasıentterdi onlaın qabyldaý" júrgiziledi. Sıfrlyq qyzmet monıtorıngi oblystaǵy qalalar men aýdandar da iske qosyldy. Osy arqyly provızorlyq jáne ınfeksııalyq stasıonardaǵy jaǵdaıdy baqylap, PSR, KT men rentgen boıynsha jasalǵan zertteý jumystaryn qaraýǵa bolady. 
Semeıde elektrondy jolaqy tóleý maqsatynda "Avtoby's”júıesi iske qosyldy.
"Bus Report” baǵdarlamasy boıynsha árbir avtobýstyń baǵytyn baqylaýǵa bolady. 2020 jyldyń qazan aıyna deıin О́skemendegi qoǵamdyq kólikterde dıspetcherlik aqparattyq modýldiń kómegimen jolaqy tóleýdi avtomattandyrý josparlanýda.
Sıfrlandyrý jumysy únemi baqylaýda ustalynýda. Shyǵys Qazaqstanda 2022-2025 jyldar aralyǵynda sıfrlandyrýdyń sáýlettik baǵdarlamasy jasalynbaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir