17 Tamyz, 2020 Barlyq aımaqtar

Nursultan Nazarbaev úndeý joldady

Foto: kaztag.kz

Qaýipsizdik keńesi men "Nur Otan" partııasynyń tóraǵasy Nursultan Nazarbaev qazaqstandyqtarǵa úndeý joldady, dep habarlady Elbasy.kz saıty .

"Qurmetti otandastar!

Pandemııa saldarynan Qazaqstan búkil álem elderimen birge kútpegen qıyndyqtarǵa tap bolyp, jahandyq daǵdarystyń eń qıyn kezeńin bastan ótkerýde.

Áleýmettik-ekonomıkalyq ahýaldyń kúrt nasharlaýy nátıjesinde damyǵan memleketter de daǵdaryspen kúresýde.

Mundaı jaǵdaıda kez kelgen úkimettiń aldynda turǵan eń ózekti másele – ekonomıkanyń damýy jáne el azamattarynyń densaýlyǵy.

Bizge halyqtyń qaýipsizdigi men amandyǵy úshin bar kúsh-jigerimizdi salý mańyzdy.

Sondyqtan prezıdentimiz, úkimetimiz kóp sharalardy qolǵa alyp jatqanyn bilesizder.

Osy oraıda medısına qyzmetkerlerine erekshe alǵysymdy bildiremin.

Olar pandemııanyń alǵashqy kúnderinen bastap koronavırýsqa qarsy kúrestiń aldyńǵy shebinde júr.

Eriktilerge de alǵysym sheksiz.

"Biz Birgemiz!" aksııasy aıasynda ǵana "Jas Otan" barlyq muqtaj jandarǵa qoldaý kórsetken 5 myń eriktiniń basyn biriktirdi.

Árıne, kemshilikter de boldy.

Koronavırýs daǵdarysy memlekettik basqarýdyń keıbir salalarynda olqy tustar bar ekenin de kórsetti.

Jedel áreket etý jaǵy jetispeı jatty, máseleniń sheshilýi bıýrokratııalyq kedergilerge kep tireldi.

Memlekettik organdar men keıbir basshylar halyqtyń naqty problemalaryn jete sezinbeıdi degen syn aıtylyp júrgenin men jaqsy bilemin.

Bul barlyq deńgeıdegi depýtattardyń da jumysyna qatysty.

Ony kóbine oryndy syn dep esepteımin.

Depýtattar halyqtyń ortasynda bolyp, eldiń muń-muqtajyn jetkizýge tıis.

Depýtattardyń mindeti – árdaıym el múddesin qorǵaý. Osyny umytpaýymyz kerek" delingen resmı saıt jarııalaǵan habarlamada.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir