Bıyl osy aýmaqty órtten qorǵaý maqsatynda tıisti sharalar jasaldy. Bul týraly ShQO aqparattyq ortalyǵynda ótken brıfıng barysynda orman men ATEQ bólimi basshysy Erdos Úmitov málim etti.
- Bıyl órt maýsymy bastalǵaly beri Shyǵys Qazaqstandaǵy memlekettik orman qorynyń aýmaǵynda 192 orman órti tirkeldi. Qyzyl jalynnyń jalpy aýmaǵy 4,560,74 gektardy quraıdy, - dedi Erdos Úmitov.
Brıfıng barysynda ShQO TJD basshysynyń m.a. Dmıtrıı Tıtov Shyǵys Qazaqstandaǵy órt qaýpi kezeńi áli aıaqtalmaǵanyn atap ótti. О́kinishke qaraı, orman órtteri 41 paıyzǵa artty. Atalǵan kórsetkish ótken jylmen salystyrǵanda 52 esege kóp.
Esterińizge sala keteıik, aǵymdaǵy jyldyń sáýir aıynda "Semeı ormany" memlekettik tabıǵı orman rezervatynyń Besqaraǵaı aýdanyndaǵy Dolon fılıaly aýmaǵynda qyzyl jalyn tirkelgen edi. О́rt saldarynan 3500 gektarǵa jýyq orman alqaby órtendi.
О́rt tutanýynyń  90% naızaǵaıdan bolsa, qalǵan 10%  adamdardyń otqa beıjaı qaraýynan týyndap otyr.  Shyǵys Qazaqstandaǵy memlekettik orman qorynyń aýmaǵy 3,8 mıllıon gektardy quraıdy. Bıyl osy aýmaqty qorǵaý maqsatynda tıisti sharalar jasaldy. Bul týraly ShQO aqparattyq ortalyǵynda ótken brıfıng barysynda orman men ATEQ bólimi basshysy Erdos Úmitov málim etti.
Ormandy qorǵaý maqsatynda oblysta 70 mobıldi top quryldy. Onyń quramynda azamattyq qorǵanys, jergilikti polısııa qyzmeti, orman mekemeleri men aýdandyq ákimdik ókilderi bar.
— 382-den astam profılaktıkalyq reıd júrgizilip, 127 zańbuzýshylyq anyqtaldy. Tártip buzǵan azamattar ákimshilik jaýapkershilikke tartyldy, - dedi ol .
Esterińizge sala keteıik, ShQO aýmaǵynda órt qaýpi kezeńi 1 qarashaǵa deıin jalǵasady. Eger siz órt qaýpin baıqaǵan bolsańyz, 101 baılanys nómirine qońyraý shalyńyz.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir