Foto: Qaıyrymdylyq kezinde túsirilgen

Almaty oblysy Balqash aýdanynyń tártip saqshylary aýdan ortalyǵy Baqanas aýylynda turatyn 6 balaly otbasyǵa sanıtarlyq qorǵanys quraldarymen qatar, azyq-túlik pen sol úıdegi úsh oqýshyǵa barlyq keńse taýarlaryn aparyp berdi.

 – Jeke qurammen kelise otyryp, kópbalaly Ormanbaevtar otbasyna qoldaý kórsetý týraly sheshim qabyldandy. Karantın kezine oraı otbasyǵa medısınalyq betperdeler men qolǵaptar, azyq-túlik, sondaı-aq úıdegi úsh oqýshyǵa jańa oqý jylyna arnap barlyq keńse quraldaryn tabystadyq. Indettiń jappaı taralýyna baılanysty jarııalanǵan tótenshe jaǵdaı kezinen bastap biz kópbalaly jáne kómekke zárý otbasylarǵa únemi qoldaý kórsetip kelemiz, – deıdi Balqash aýdany polısııa bólimi bastyǵynyń mindetin atqarýshy polısııa podpolkovnıgi Nurgeldi Abırov. Álemdi sharpyǵan osy pandemııa kezinde qınalǵan janǵa qoldaý bergen tártip saqshylaryna kópbalaly otbasy músheleriniń aıtar alǵysy sheksiz.

– Aýdandyq polısııa bóliminiń basshylyǵy úıimizge kelip, azyq-túlik pen mektepke qajetti barlyq qural-jabdyqty tabystady. Osyndaı qıyn kezde qolda barymen bólisý, qoldaý berý – naǵyz adamgershiliktiń belgisi dep bilemin. Balalarymdy qýanyshqa bólegen polıseılerdiń jumysyna tabys, otbasylaryna amandyq pen bereke tileımin, - deıdi Baqanas aýylynyń turǵyny, kópbalaly ana Áıgerim Ǵalymqyzy.

– Polıseıler sanıtarlyq normalardyń oryndalýyn talap etip qana qoımaı, turǵyndardy qoldan kelgenshe betperdelermen qamtamasyz etedi. Jaqynda turǵyndarǵa 1500 betperde tegin tarattyq. Ult saýlyǵyn qamtamasyz etý úshin pandemııa kezinde ár adam áleýmettik jaýapkershilik tanytyp, sanıtarlyq talaptardy qatań saqtaýy tıis, – deıdi Balqash aýdandyq ákimshilik polısııa bóliminiń bastyǵy, polısııa podpolkovnıgi Balbek Lepesbaev.

 

 

 

Ilmek sózder: almaty polıseı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir