"Meni óltirýge tyrysýy múmkin". Aısultan ómiri úshin qaýiptengen

16 tamyzda senattyń eks-tóraǵasy Darıǵa Nazarbaevanyń ekinshi uly Aısultan Rahattyń Londonda qaıtys bolǵany habarlandy.

Aqparat shyqqannan keıin birneshe saǵat ótkende Darıǵa Nazarbaeva qaraly habardy rastap, balasynyń qazasy týraly pikir bildirdi.

О́limge naqty neniń sebep bolǵany, Aısultan Rahattyń Londanda ne istep júrgeni ázirge belgisiz. Tek júrek talmasy ustaǵan bolýy múmkin ekeni ǵana habarlandy.

Qazaqstan eks-prezıdenti jıeniniń qatysýymen sońǵy jyldary birneshe shýly oqıǵa bolǵan.

2019 jyly 18 qazanda London soty ony polısııa qyzmetkerine qarsylyq kórsetti, ofıserge jabýyl jasady degen aıyppen bir jylǵa shartty merzimge kesken. Sol kezde Aısultan Rahattyń esirtki paıdalanǵany habarlandy.

2020 jyldyń 23-24 qańtar kúnderi ol óziniń facebook-tegi paraqshasynda kóptegen daýly jazbalar jarııalady.

"2016 jyldan beri otbasym men otbasyma jaqyn adamdardan qysym kórip kelem" degen ol 14 aı boıy Reseı túrmede zańsyz otyrǵanyn, Nursultan Nazarbaevtyń bıologııalyq ákesi ekenin aıtyp, Qazaqstan bıligindegi kóptegen shendilerdi "halyqtyń jaýy" dep ataǵan.

22 qańtarda jarııalaǵan jazbasynda ózin áldekimderdiń óltirýge tyrysýy múmkin ekenin málim etti.

"Jaqyn ýaqytta meni óltirýge tyrysýy, bolmasa jyndy etip kórsetkisi kelýi nemese ákemdi asqandaı kamerada asyp ketýi múmkin" dep jazǵan bolatyn Aısultan Rahat 22 qańtarda.