Demokratııalyq partııa qurý boıynsha bastamashyl top jetekshisi, qoǵam belsendisi Janbolat Mamaı eks-prezıdent Nursultan Nazarbaevtyń jıeni Aısultan Nazarbaevtyń ólimine kúmánmen qaraıtynyn jetkizdi.

"Sońǵy bir jyldyń ishinde Aısultanǵa qatysty daý-damaı tolastaǵan emes. Ártúrli máseleler kóterildi, kóptegen shyndyqtyń betin ashty. О́ziniń otbasynyń ishindegi, jalpy eldegi máselelerge, olıgarhqa baılanysty shyndyqtyń betin ashty.

Endi meniń óz basym 30-ǵa áli kelmegen, orda buzatyn, tepse temir úzetin jigittiń aıaq astynan osylaı ketip qalǵanyna kúmandanamyn. О́zi ketip qalǵanyna! Endi ártúrli jaǵdaıda aıtýǵa bolady, bul jerde boljam jasaý óte qıyn. О́ıtkeni ol Qazaqstanda emes Londonda qaıtys bolǵan. Biraq óz basym kúmándi nárseler kóp dep sanaımyn. Biraq bul jerde bir nárseni aıtqym keledi. Myna Nazarbaevtardyń otbasy tek qana ózderiniń otbasynyń ǵana emes, eń ókinishtisi, búkil Qazaqstannyń oıranyn shyǵardy dep aıtýǵa bolady. Búkil Qazaqstandy oırandady!" dep aıtylǵan belsendiniń áleýmettik jelidegi vıdeoúndeýinde.

♦ "Meni óltirýge tyrysýy múmkin". Aısultan ómiri úshin qaýiptengen

Onyń bul jazbasyna oqyrmandardyń pikiri ekige bólindi. Biri  "О́te durys aıtady. Shyndyq" dep qoldaý bildirse, keıbir oqyrmandar "Joq, Janbolat myrza, osy joly sizben kelispeımin. Ajal aıtyp kelmeıdi" dep qarsy pikir bildirgen.

Búgin Qazaqstan eks-prezıdentiniń jıeni Aısultan Rahattyń qaıtys bolǵany habarlandy.

Taǵy oqyńyz!
 
 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir