Brıtanııalyq BAQ: Amerıkanyń eki kemesin teńizge batyrý úshin Qytaı "keme óltirýshi" zymyrandaryn iske qosty

"Amerıkanyń eki kemesin teńizge batyrý úshin Qytaı "keme óltirýshi" zymyrandaryn iske qosty" dep habarlady Londonda shyǵatyn Deılı Ekspress gazeti.

Basylymnyń apqaratynsha, Beıjiń áskerı kúshteri ballıstıkalyq zymyrandaryn iske qosyp, AQSh-tyń "eki ushaq tasymaldaýshysyn teńizge batyryp" jiberetinin málimdegen.

Qytaıdyń joǵary áskerı sheneýnigi, admıral Lý Iýanniń málimdeýinshe, Qytaıdyń jańa jáne joǵary qabiletti "DF-26" kemege qarsy zenıttik ballıstıkalyq jáne krýızdik zymyrandary Amerıkanyń kez kelgen soǵys kemelerin sýǵa batyryp jiberedi.

– Amerıka Qurama Shtattary eń kóp qaýiptenetin nárse – shyǵyndar... Bir sýper tasymaldaýshyny joǵaltý AQSh-qa qyzmet kórsetetin 5000 er men áıeldiń ómirine qaýip tóndiredi. Ekeýi batyp ketse, bul (shyǵyn) eki esege artady...Amerıkanyń qalaı qoryqqanyn kóremiz, – degen qytaı sheneýnigi.

Aqparattarǵa sáıkes, "DF-26" orta jáne iri kemelerdi joıyp jiberýge qabiletti. Ol dástúrli jáne ıadrolyq oqtumsyqtardy alyp júre alady.

Aıta keteıik, Ońtústik Qytaı teńizi jáne Taıvan máselesi sońǵy kezderde Qytaı men AQSh arasyndaǵy shıelenis aımaǵyna aınaldy.

Dúısenbide Taıvan áýe kúshteri buǵazdaǵy orta syzyqty kesip ótken qytaılyq joıǵysh ushaqtarǵa eskertý jasaǵanyn málimdedi. Qytaılyq ushaqtardy zenıtti zymyrandarmen baqylaǵanyn habarlaǵan. Ol kezde AQSh densaýlyq saqtaý mınıstri Taıvan prezıdentimen kezikken.

Oǵan narazylyq tanytqan Beıjiń "Biz Amerıkaǵa taǵy bir ret eskertemiz, Qytaı AQSh pen Taıvannyń kez kelgen syltaýmen resmı qarym-qatynas jasaýyna qarsy turady... Otpen oınaǵandar kúıip ketedi" dep málimdegen.