14 Tamyz, 2020 NEWS

Dáriger: Shekteý sharalaryn jeńildetýden eshqandaı qorqynysh joq

Foto: Baq.kz

Keshe QR Premer-mınıstri Asqar Mamınniń tóraǵalyǵymen ótken memlekettik komıssııa otyrysynda qalyptasqan epıdemıologııalyq jaǵdaıdy eskere otyryp, karantın sharalaryn kezeń-kezeńimen alyp tastaý jospary qaraldy

Osyǵan baılanysty Nur-Sultan qalasy Dermatologııa ortalyǵynyń dırektory, medısına ǵylymdarynyń doktory Juldyz Danbaeva shekteý sharalaryn jeńildetýden eshqandaı qorqynysh joq ekenin aıtty. 

– Qazir eldegi epıdemıologııalyq jaǵdaı turaqtaldy. Syrqattanýshylar sany da azaıyp keledi. Halyq sanıtarııalyq normalardy oryndap, maska taǵý rejımin saqtap, áleýmettik qashyqtyqty ustansa, shekteý sharalaryn jeńildetýden eshqandaı qorqynysh joq. Shet memleketterde de osy erejelerdi saqtap, karantındi birtindep jeńildetip jatyr. Ol bir jaǵynan halyqtyń sana-sezimine baılanysty. Indettiń taralý deńgeıi qoǵamnyń árbir múshesiniń áreketine, ár qadamyna tikeleı baılanysty, – deıdi ol.

Aıta ketý kerek, memlekettik komıssııa 2020 jyldyń 17 tamyzynan bastap barlyq óńirde jumysyn qaıta bastaıtyn kásipkerlik sýbektileri qyzmet túrlerinIń tizbesin bekitti.

Ilmek sózder: Qazaqstan Karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir