14 Tamyz, 2020 NEWS

Fransııada karantın jarııalandy

Getty

Fransııa "qyzyl aımaq" koronavırýstyq tótenshe jaǵdaıyn jarııalady. Parıj jáne Býsh-dıý-Rona aımaǵy koronavırýstyq jaǵdaılardyń kúsheıýine baılanysty karantınge alyndy. 

Fransııa úkimeti qala men Jerorta teńiziniń jaǵalaýyndaǵy aımaqty koronavırýsty juqtyrý qaýpi joǵary "qyzyl aımaqtar" dep jarııalady. Qaýly jergilikti bılik organdaryna adamdar men kólik quraldarynyń aınalymyn shekteýge, qoǵamdyq kólikter men áýe qozǵalysyn shekteýge, qoǵamdyq ǵımarattarǵa kirýdi shekteýge jáne ınfeksııa qaýpi joǵary keıbir mekemelerdi jabýǵa ókilettik beredi.

Aqparattarǵa sáıkes, Fransııada sońǵy aptada jańadan tirkelgen jaǵdaılardyń 66 paıyzǵa artýy jáne 100 000 turǵynǵa shaqqandaǵy aýrýdyń 52 paıyzǵa ósýi koronavırýstyń kúrt óskendigin kórsetedi.

Jaǵdaıǵa baılanysty Ulybrıtanııa Fransııadan kelgen adamdar senbiden bastap 14 kúndik karantınde bolýy kerektigin jarııalady. Brıtanııalyq basylymdar Birikken Koroldiktiń de búgin keshte karantın jarııalaýy múmkindigin habarlady

Buǵan deıin Eýropa elderinde koronavırýstyń ekinshi tolqynynyń alǵashqy belgileri paıda bolǵanyn habarlaǵan bolatynbyz

Ilmek sózder: Fransııa karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir