Nur-Sultan qalasynyń turǵyny  Jadyra Japparova óziniń kúıeýi dep tanystyrǵan Abdýkaımov Aljan Haıyrbekulynyń jazyqsyz sottalǵanyn aıtyp, prezıdent Qasym-Jomart Toqaevqa vıdeoúndeý joldady.

Aljan Haıyrbekuly qylmystyq kodekstiń 190-baby 3-bóligi 1, 4-tarmaqtary boıynsha (alaıaqtyq) 5 jylǵa bas bostandyǵynan aıyrylǵan.

"Men eki balanyń anasymyn. Úlken qyzym qazirgi ýaqytta DSP-men aýyryp jatyr. Joldasym Aljannyń ákesi ınsýltpen aýyrady jáne birinshi toptaǵy múgedek. Meniń joldasym qazir túrmede otyr. 25 tamyz kúni sot bolady. Sizden (prezıdent Toqaev – red.) suraıtynym, meniń kúıeýimniń isin óz baqylaýyńyzǵa alsańyz. Ol qazir jazyqsyz túrmede otyr. Men ádildiktiń baryna senemin. Ádildik ornaıdy dep oılaımyz. Kinásiz ekenin dáleldeımiz. Bizge bir múmkindik berseńizder eken. Aıǵaqtardy kórsetip, dáleldeý úshin bir múmkindik berse jetkilikti. Biz sotqa da, prokýratýranyń qyzmetkerlerine de senbeımiz. Bizdiń isimiz qaraýsyz qaldy. Osy vıdeoúndenden basqa eshteńege úmit arta almaımyz. Bizge bir múmkindik berseńizder, biz dáleldep shyǵamyz " delingen vıdeoda.

"Qamshy" redaksııasyna habarlasqan eki balanyń anasy 25 tamyz kúni bolatyn sot otyrysynda joldasynyń kinásiz ekenin dáleldeý úshin sottan aıǵaqtardy usynýǵa ruqsat etýin suraıdy.

Aljan Abdýkaımovtyń sot zalynda óz-ózine qol jumsaýǵa tyrysqan vıdeosy.

Iske qatysty barlyq derekterdi Jadyra Japparovanyń Youtube arnasynan kóre alasyzdar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir