Jýrnalıst Janat Baqyt shyndyqty aıtqany úshin jumystan shyǵarylǵanyn habarlady

Belgili jýrnalıst, telejúrgizýshi Janat Baqyt efırde koronavırýsqa baılanysty shyndyqty aıtqany úshin Almaty arnasynan jumystan shyǵarylǵanyn málimdedi. Ol bul týraly facebook-tegi paraqshasynda jazdy.

"Efırden kettim.
Ne úshin?
"Nege?" habaryna shyǵyp shyndyqty aı̆tqanym úshin.
Almaty qalasynyń saıasatyna qarsy kelgenim úshin.
Tilsiz qýyrshaq bolmaǵanym úshin.
"Ekinshi tolqyn deı̆sizder, sizder birinshi tolqynǵa daı̆yn bolmańyzdar, qansha qandasym óldi!" degenim úshin" dedi jýrnalıst jazbasynda.

Jýrnalıst adamdar indetten ólip jatqanda únsiz qarap tura almaǵanyn jetkizdi.

"@almaty.tv, keshirip qoıarsyzdar, qazaǵym shybynsha qyrylyp jatqanda, qarapaı̆ym parasetomol tappaǵannyń kesirinen qazaǵym ólip jatqanda, ottegi apparatynyń joǵynan týysym ólip jatqanda men únsiz tura almadym. Aı̆tqanym úshin emes, úndemegim úshin ózimdi keshirmes em. Sol sebepti esh ókinbeı̆min. Halyq arasynda aqıqatynda ne bolyp jatqanyn bireý aı̆tý kerek qoı̆?" dep atap ótti telejýrnalıst.

Onyń pikirinshe, qazir jýrnalıster birinshi bıliktiń qolshoqparyna aı̆nalǵan.

"Shyndyqty aı̆tqan adamdy jumystan shyǵara berse efırde eshkim qalmaı̆tyn shyǵar. Qalsa da qaı̆maq emes kók sýy qalar... Paraqshańa tyr jalańash foto qoısań, bul – norma, biraq shyndyqty jazsań-efırde kórinbeýiń kerek).

Jýrnalıstıka – tórtinshi bılik deýshi edi, olaı̆ emes, qazir jýrnalıster birinshi bıliktiń qolshoqparyna aı̆naldy. О́kinishti. Sondyqtan men úshin búkil programmany jabýdyń qajeti joq, áriptesterimdi jaqsy kórem, ózim-aq ketemin.

Men efırden ketkenimmen, efır menen kete qoı̆mas" delingen jýrnalıst jazbasynda.