Almatyda er adam zeınetkerge shabýyl jasaǵan. Bul týraly Polisia.kz habarlady.

Portaldyń habarlaýynsha, oqıǵa 13 tamyz kúni saǵat 13:00 shamasynda Almatynyń Almaly aýdanynda bolǵan. Turǵyn úı ǵımaratynyń kireberisinde 28 jastaǵy er adam áıelge shabýyl jasap, sómkesin alýǵa tyrysqan.

– Men bankomattan aqsha alyp, úıge qaıttym. Basynda kórshi eken dep oıladym, sóıtip ony aldyǵa jiberýge tyrystym. Ol meniń sómkeme jarmasyp aldy. Men sómkemdi jibermedim. Ol pyshaqty alyp, sómkeniń ıyq belbeýin kesip, qoldarymdy tilip tastady. Men bireý estıtin shyǵar dep aıqaılaı berdim. Biraq eshkim kómektespedi. Ol júgire jónelip edi, artynan eki adam qýdy, – dep zeınetker shabýyldyń mán-jaıyn aıtty.

– Bógenbaı batyr men Aıtıev kósheleriniń qıylysynda bizdi jolaýshylar toqtatyp, joǵarǵy kóshede tonaýǵa qatysty tóbeles bolyp jatqanyn habarlady. Biz dereý kórsetilgen jerge jetip, istiń naqty málimetterin bildik. Osy qylmysty jasady degen kúdikpen 1992 jyly týǵan I esimdi azamat ustaldy. Odan pyshaq tárkilendi. Áıeldi taýyp, oǵan "Jedel járdem" shaqyryldy, – dedi Almaty qalalyq polısııa departamenti patrýldik polısııa polkiniń ınspektory, "Býran-045" ekıpajynyń aǵa bastyǵy Samat Jumanov.

Zeınetker ózine shabýyl jasaǵan adamdy tanydy. Kúdikti qylmysyn moıyndady.

– Maǵan aqsha kerek boldy. Ony Tóle bı kóshesinde kórip, sońynan erdim. Istegenime ókinemin, – dedi kúdikti.

Almaly aýdanynyń polısııa basqarmasy habarlaǵandaı, atalǵan fakti boıynsha Qazaqstannyń qylmystyq kodeksiniń 192-baby ("Qaraqshylyq") 2-bóliginde kórsetilgen qylmys negizinde sotqa deıingi tergeý bastaldy. Kúdikti polısııa departamentiniń ýaqytsha ustaý ızolıatoryna qamaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir