Jýyrda Qaraǵandy qalasynyń ákimi Nurlan Áýbákirovtyń Instagram-da tikeleı efır júrip jatqanda saǵatyn sheshkeni kózge túsip qalyp, artynsha bul áreketin túsindirýine týra kelgen.

Áýbákirov saǵatty qoly terlep ketkendikten sheshkenin aıtyp, aqtalǵan. Artynsha ákim saǵaty Ulysse Nardin brediniń aksessýary ekeni, quny 5 myń dollar (2 mln 95 myń teńge) turatyny belgili boldy.

Memlekettik qyzmet isteri agenttiginiń ókilderi tekserý júrgizip, qymbat saǵatty ákimge 2010 jyly 35 jasyna syılyq retinde týystary bergenin anyqtaǵanyn habarlady.

Al Qyzylorda qalasynyń ákimi Nurlybek Nálibaev Rolex brendi Datejust úlgisiniń saǵatyn taǵady. Onyń quny – 16 myń dollar.

Memlekettik múlik jáne jekeshelendirý komıtetiniń dereginshe memlekettik qyzmetkerler 2017-2018 jyldary ózderine berilgen kóptegen syılyqty vedomstvoǵa ótkizgen. 2019 jyly eshteńe ótkizilmegen.

Vedomstvoǵa ótkizilgen syılyqtardyń eń qymbaty – 2 mln teńge turatyn Rolex saǵatyn UQK qyzmetkerlerine syılaǵan.

Sondaı-aq departamentke memlekettik qyzmetkerlerge syılyq retinde berilgen smartfondar, elektrondyq saǵattar, "Manas batyrdyń" sýreti, ıissýlar, bet kútimine arnalǵan zattar, ton jaǵalary, qymbat alkogoldik sýsyndar tapsyrylǵan.

Syılyqtar aýksıon arqyly satylyp, túsken qarjy bıýdjetke ótkiziledi.

Qazaqstanda memlekettik qyzmetkerge syılyq berýge tyıym salynǵan. Quny eki aılyq eseptik kórsetkishten, ıaǵnı 5 myń teńgeden aspaıtyn syılyq jasalǵan jaǵdaıda, syılyq berýshige 505 myń teńge (200 AEK), syılyq alýshyǵa 1 jarym mln teńge (600 AEK) kóleminde ákimshilik aıyppul salynady. 

Quny 5 myń teńgeden joǵary syılyq para berý deregi retinde qarastyrylyp, ol úshin qylmystyq jaýapkershilik kózdelgen.

Derekkózholanews.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir