Foto: Fotokollaj
Qazaqstan densaýlyq saqtaý mınıstri Alekseı Soı Almaty oblysy taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy bolyp taǵaıyndalǵan Erǵalı Sydymanovqa qatysty qyzmettik tergeý júrgizýdi tapsyrdy. Bul týraly densaýlyq saqtaý mınınıstrliginiń resmı ókili Baǵdat Qojahmetov habarlady.
"Búgin Qazaqstannyń densaýlyq saqtaý mınıstri Alekseı Soı BAQ jáne áleýmettik jelilerde tarap ketken Almaty oblysynyń bas sanıtar dárigeriniń jergilikti bazar kásipkerlerimen kezdesý barysynda qala turǵyndaryna aıtqan sózderi jazylǵan vıdeony kórip shyqty. Ol turǵyndardyń narazylyǵymen kelisedi jáne mundaı áreket memleket qyzmetkerine saı emes dep esepteıdi" delingen jazbada.
Onyń aıtýynsha, qyzmettik tergeýge qatysty talqylaý nátıjeleri resmı saıttarda habarlanady.
Almaty oblysynyń bas sanıtar dárigeri Erǵalı Sydymanov alǵashqy jumys kúninde Taldyqorǵan qalasynyń turǵyndarymen kezdesken bolatyn. "Men saǵan qyzmet kórsetpeımin. Boldy, saý bolyńdar, basymdy qatyrmańdar" degen sózderi turǵyndardyń narazylyǵyn týdyryp, vıdeo áleýmettik jeli men BAQ-ta taraǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir