• USD 468.56

  • EUR 497.56

  • RUB 7.3

  • CNY 67.18

29 Naýryz, 09:05:47
Almaty
+35°

4 tamyzda qoǵam belsendisi Janbolat Mamaı Aqordaǵa nesıe amnıstııasyn qoldaǵan 100 myńǵa tarta adamnyń qolyn ótkizgennen keıin áleýmettik jeli qoldanýshylary kredıtti keshirýdi qoldaıtyndar jáne qoldamaıtyndar bolyp bólingen. 5 tamyzda Qamshy portaly oqyrman oıyn bilý maqsatynda "Qazaqstanda kredıtti keshirýdi qoldaısyz ba?" saýalnamasyn iske qosqan. Búgin sonyń qorytyndysy shyqty.

Saýalnamada "Qazaqstanda kredıtti keshirýdi qoldaısyz ba?" degen bir ǵana suraq boldy. Oǵan barlyǵy 197 myń 672 qoldanýshy qatysqan.

 

Onyń ishinde 193 myń 887 adam (98,1%) "Iá, qoldaımyn. Búgingideı qıyn-qystaý kezde kredıtti keshirý azamattarǵa úlken kómek bolar edi" degen jaýap nusqasyn tańdasa, 3785 adam (1,9%) "Joq, qoldamaımyn. Salyq tóleýshilerdiń esebinen áldekimniń nesıesin jabýǵa qarsymyn" degen nusqany belgilegen.

 

Saýalnama qorytyndysy

Oqyrman taýdaýy osylaı boldy.

Al nesıe amnıstııasy jasala ma, joq pa ol jaǵy belgisiz.

Bastamany kóterip júrgen belsendi Janbolat Mamaı 100 myńǵa tarta adamnyń qolyn tapsyrǵannan keıin bıliktiń jaýabyn bir aı tosatynyn aıtqan.

Belsendiniń bul bastamasyn qarapaıym azamattardyń basym kópshiligi qoldap jatqanymen, ekonomıster men saıasattanýshylar mundaı qadamdy quptaı bermeıdi.

Ekonomıst Maqsat Halyq kredıtti keshirý naryqtyq ekonomıka zańdylyǵyna qaıshy ekenin aıtyp, "kredıt keshirilsin deý – qısynǵa kelmeıtin talap" dep atap ótti. Onyń sózinshe, ár azamat nesıe alǵanda, ony óteýdi de jaýapkershiligine alatyndyqtan, qaryzdy alý bar jerde, qaıtarý da bar.

Saıasattanýshy Rasýl Jumaly kredıtti keshirýdi talap etý – popýlızmge jaqyn túsinik ekenin jetkizse, Eýrazııalyq ıntegrasııa ınstıtýtynyń sarapshysy Samat Nurtaza kredıt alarda eshkimdi májbúrlemeıtindikten, qaryz alǵan adam bereshegin qaıtarýy kerek ekenin, kredıtti keshirýge qarsy ekenin aıtty.

Halyqqa adal qyzmet partııasyn qurý boıynsha bastamashyl top jetekshisi Toǵjan Qojalıeva kredıtti keshirý azamattardyń bolashaǵyna, el ekonomıkasyna keri áser etedi degen pikirde. Ol Mamaıdyń talabyn "áleýmettik-saıası popýlızm" dep sanaıdy.

"DAT" oppozısııalyq basylymynyń jetekshisi, jýrnalıst Ermurat Bapı "azamattardyń kredıtin keshirý talaby – eshqandaı da popýlızm emes" degendi aıtty. Ol muny daǵdarys jaǵdaıynda ál-áýqaty tómen áleýmettik toptyń jaǵdaıyn sheshýge arnalǵan áreket ekenin, kredıtti keshirý bılik pen buqarany jaqyndata túsetinin jetkizdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir